યાદે 2020 ગૌરવ:વલસાડ જિલ્લાને ગૌરવ અપાવતી ઘટના

15 ઓગષ્ટે વાપી Dyspને રાષ્ટ્રપતિ ચંદ્રક
વાપીના ડીવાયએસપી વીરભદ્રસિંહ જાડેજાને પ્રશંસનીય કામગીરી બદલ રાષ્ટ્રપતિ ચંદ્રક આપવાની સરકારે જાહેરાત કરી હતી. જેને લઇ વાપી અને વલસાડ જિલ્લા પોલીસમાં ખુશીની લાગણી પ્રસરી હતી. અનેક સમાજો અને સંગઠનો દ્વારા ડીવાયએસીપીનું સન્માન કરવામાં આવ્યુ હતુ.

વાપીના ગાંધીવાદી ગફૂર ચાચાને પદ્મશ્રી
​​​​​​​વાપીના જાણીતા ઉદ્યોગપતિ અને ગાંધીવાદી ગફુરભાઈ બિલખિયાને પદ્મશ્રી એવોર્ડની જાહેરાત સરકાર દ્વારા કરવામાં આવી હતી. જેને લઇ વાપી સહિત સમગ્ર વલસાડમાં આનંદની લાગણી પ્રસરી હતી. ગફૂર બિલખિયા વાપી સહિત જિલ્લાની અનેક સામાજીક અને શૈક્ષણિક સંસ્થા સાથે જોડાયેલા છે. આ ઉપરાંત વાપીના વડીલો એક મંચ ઉપર આવી શકે તે માટે વાપી સિનિયર સિટીઝન કાઉન્સિલની સ્થાપના કરવામાં અગત્યની ભૂમિકા ભજવી છે. આ સંસ્થા હાલ અનેક પ્રવૃતિઓ વૃદ્ધો માટે કરે છે.