તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ચુકાદો:વલસાડમાં વિદ્યાર્થિનીનો પીછો કરી હેરાન કરનાર આરોપીને એક વર્ષની કેદની સજા

વલસાડ24 દિવસ પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • સ્કૂલેથી આવતી સગીર વિદ્યાર્થિનીનો ઘર સુધી મોપેડ પર પીછો કરતો હતો

વલસાડના વેપારીની ધો.12માં અભ્યાસ કરતી 17 વર્ષીય દીકરી બપોરે સવા બે વાગ્યે તિથલ રોડ પર ઉતરતી હતી. બાદમાં પિતા કે ઘરવાળા તેણીને મોપેડ ઉપર બેસાડીને ઘરે લઇ આવતા હોવાનો નિત્યક્રમ હતો. 1 ડિસેમ્બરથી આ પ્રકારે વિદ્યાર્થિની સ્કૂલેથી ઘરે આવતી હતી. દરમિયાન યુવક મોપેડ ઉપર તેનો સતત ઘર સુધી પીછો કરતો હોવાનું તેણીના ધ્યાને આવ્યું હતું.

યુવકે વિદ્યાર્થિનીનો મોબાઇલ નંબર મેળવી ફોન કરી હું ધર્મેશ બોલું છું, મારી સાથે વાત કર તેમ જણાવતા તરૂણીએ તું કોણ છે તેને ઓળખતી નથી અને મારે તારી સાથે વાત કરવી નથી, ફરીવાર ફોન કરી હેરાન કરતો નહિ તેવું કડક શબ્દોમાં સંભળાવી ફોન કટ કરી દીધો હતો.તેમ છતાં યુવકે પીછો કરવાનું અને ફોન કરવાનું ચાલૂ રાખતા વિદ્યાર્થિનીએ તેના માતા પિતાને હકીકત જણાવી હતી.

પિતાએ ફરિયાદ નોંધાવતા સિટી પોલીસ મથકે તપાસ બાદ ધનેશ ઉર્ફ ધર્મેશ બલ્લુભાઇ પટેલ વિરૂધ્ધ ગુનો દાખલ કરી પોલીસે ધરપકડ કરી હતી. આ કેસ વલસાડ સેશન્સ કોર્ટમાં ચાલી જતાં અંતિમ સુનાવણીમાં ડીજીપી અનિલ ત્રિપાઠીની દલીલો ગ્રાહ્ય રાખી આરોપીને દોષિત જાહેર કરી પોક્સો એક્ટ હેઠળના સ્પે.જજ એમ.આર.શાહે 1 વર્ષની કેદની સજા તથા રૂ.200નો દંડ ફટકાર્યો હતો.

ફેસબુકથી તરૂણીએ આરોપીની ઓળખ કરી
યુવક સતત ફોન કરતો અને માતા કે કોઇ બીજા ફોન ઉઠાવે તો કટ કરી દેતો હતો.વિદ્યાર્થિનીએ ફોન બ્લોક કરી દીધો હતો.પરંતુ તેમ છતાં 29 ઓગષ્ટ 2017ના રોજ પણ રાત્રે યુવકે ફોન કરતાં એપ્લિકેશન મેસેજ દ્વારા જાણવા મળ્યું હતું. પીછો કરતા ધર્મેશ પટેલ નામના ઇસમોના ફેસબુક એકાઉન્ટ ચેક કરતાં પીછો કરનાર યુવકના ફોટાવાળુ ફેસબુક એકાઉન્ટ મળી આવ્યું હતું.જેના પરથી તરૂણીએ આ યુવકને ઓળખી કાઢ્યો હતો.

અન્ય સમાચારો પણ છે...