સ્થાનિક સ્વરાજની ચૂંટણી:વલસાડ જિલ્લામાં 12 બેઠકો ઉપર આમ આદમી પાર્ટીના ઉમેદવારો ચૂંટણીના મેદાનમાં

સ્થાનિક સ્વરાજની ચૂંટણી માટે આજે ઉમેદવારીપત્રો ભરવાની અંતિમ દિવસ હતો. અંતિમ દિવસે ઉમેદવારી પત્ર ભરવા માટે ઉમેદવારોની હોડ જોવા મળી હતી. સ્થાનિક સ્વરાજ્યની જિલ્લા પંચાયત તેમજ તાલુકા પંચાયતની ચૂંટણીમાં આમ આદમી પાર્ટીના કુલ 12થી વધુ બેઠકો ઉપર ઉમેદવારે તાલુકા અને જિલ્લા પંચાયતની બેઠક માટે ઉમેદવારી નોંધાવી છે.

સ્થાનિક સ્વરાજની ચૂંટણીમાં વલસાડ જિલ્લા પંચાયતની 38 અને 6 તાલુકાઓની તાલુકા પંચાયતની 158 બેઠકોમાંથી 12થી વધુ બેઠકો ઉપર આમ આદમીના ઉમેદવારોએ શનિવારે ચૂંટણી અધિકારી સમક્ષ પોતાની ઉમેદવારી સમર્થકોની સાથે રજૂ કરી હતી. વલસાડ જિલ્લામાં સ્થાનિક સ્વરાજની ચૂંટણીમાં મતદારોને દિલ્હીની જેમ આરોગ્ય અને શિક્ષણના મુદ્દે ચૂંટણી લડવા મેદાનમાં ઉતારી છે. આમ આદમી પાર્ટીએ નોંધાવેલી તમામ બેઠકો જીતશે તેવો આશાવાદ વ્યક્ત કર્યો હતો.