ધરપકડ:વલસાડના દારૂ કેસના 2 વોન્ડેટ આરોપી ઝડપાયા, બારડોલી અને ગુંદલાવથી ઝબ્બે

વલસાડ રૂરલ પોલીસના ચોપડે દારૂની હેરાફેરીના કેસમાં સંડોવાયેલા નાસતા ફરતા 2 આરોપી બારડોલી અને ગુંદલાવથી ઝડપાઇ ગયા હતા. આ પૈકીના સુરત રહેતા એક આરોપીને બારડોલી પહોંચીને ધરપકડ કરી લીધી હતી. વલસાડ એસપી ડો.રાજદિપસિંહ ઝાલાની સૂચના અને ડીવાયએસપી એમ.એન.ચાવડાના માર્ગદર્શન હેઠળ વલસાડ રૂરલ પોલીસે નાસતા ફરતા આરોપીને ઝડપવા શોધખોળ શરૂ કરી હતી.

દરમિયાન પો.કો.વિરેન્દ્રસિંહ ઘનશ્યામસિંહને રૂરલના દારૂના કેસના નાસતા ફરતા આઇ-104,શ્રી એવન્યુ મહારાણા પ્રતાપ ચોકની બાજૂમાં પરવત પાટિયા સુરત ખાતે રહેતો રૂપેશ રવજી પટેલ બારડોલીમાં હોવાની બાતમી મળતા પીએસઆઇ જી.આઇ.રાઠોડ અને રૂરલ પોલીસની ટીમે તેને બારડોલીથી ઝડપી લીધો હતો.ત્યારબાદ બીજા દારૂના કેસમાં નાસતો ફરતો આરોપી અજીત રામસજીવન શર્મા, રહે,ગુંદલાવ ખાતેથી ઝડપી આ બંન્ને આરોપીને જેલભેગા કર્યા હતા.