કોરોના મહામારી:વલસાડમાં 2 વૃધ્ધ - પારડીમાં મહિલા કોરોના સંક્રમિત

વલસાડ જિલ્લામાં બુધવારે વધુ 3 કેસ કોરોના પોઝિટિવના મળી આવ્યા હતા.વલસાડ તાલુકામાં 2 અને પારડીમાં 1 કેસ નોંધાયો હતો.આ સાથે 3 દર્દીઓ કોરોનાથી સાજા થઇ જતાં રજા આપવામાં આવી હતી.જેમાં પારડી સહિત 3 દર્દી પણ કોરોના મુક્ત થઇ જતાં ડિસ્ચાર્જ કરાયા હતા.

વલસાડ જિલ્લામાં ડિસેમ્બરના અંતમાં પણ કેસો નોંધાવવાનો સિલસિલો ચાલુ રહ્યો છે.બુધવારે વલસાડના નનકવાડા અને ભાગડાવડામાં કુલ 2 કેસ નોંધાયા હતા.જ્યારે પારડીમાં 38 વર્ષીય મહિલા સંક્રમિત થઇ હતી.વલસાડમાં કેસો વધવાનું અટકતું નથી.વલસાડ તાલુકામાં જિલ્લાના અન્ય 5 તાલુકા કરતા સૌથી વદુ કેસો નોંધાઇ રહ્યા છે. આ તાલુકામાં અત્યાર સુધી કોરોનો પોઝિટિવ કેસોની સંખ્યા 491 પર પહોંચી ગઇ છે.

વાપી તાલુકામાં બીજા ક્રમે 398 કેસ થઇ ગયા છે.બુધવારે પારડીમાં 13 વર્ષીય તરૂણ અને 18 વર્ષીય યુવતીએ કોરોનાને માત આપી હતી.જ્યારે ઉમરગામના સોળસુંબામાં યુવાન કોરોના મુક્ત થઇ જતાં આ તમામ સાજા થયેલા દર્દીઓ ઘરે પહોંચ્યા હતા.આ સાથે કોરોના દર્દીઓની કુલ સંખ્યા 1309,એક્ટિવ 19,ડિસ્ચાર્જ 1145 અને મૃત્યાંક 145 પર સ્થિર રહ્યો હતો.

જિલ્લામાં ક્યાં નવા કેસ નોંધાયા

ક્યાંના દર્દીએ કોરોનાને માત આપી

​​​​​​​