ફરિયાદ:ધરમપુરથી વાપી આવતી પરિણીતા 2 સંતાન સાથે ગુમ

વાપી ભડકમોરાની 23 વર્ષીય પ્રિયાબેન પ્રવિણભાઇ પટેલ બાર દિવસ પહેલા સાસરેથી પોતાના બે સંતાનો 04 વર્ષીય પુત્રી વૃત્તિબેન અને 01 વર્ષીય પુત્ર મેક્ષભાઈને લઈ પિયર ધરમપુરના લાકડમાળ ધોધ ફળીયામાં આવી હતી. ગત તા.04 ડિસેમ્બરે પ્રિયાબેનની માતા મનિષાબેન પતિ સાથે મજૂરી કામ માટે ગયા હતા. ત્યારે સવારે 10.30 વાગ્યાના સુમારે પ્રિયાબેન પોતાના બન્ને સંતાનોને લઇ પડોશીને વાપી ભડકમોરા સાસરે જાઉં છું એમ કહી નીકળી હતી.

ઘરે આવેલી માતા મનિષાબેને સાંજે ચાર વાગ્યે જમાઈ પ્રવિણભાઈને ફોન કરી પ્રિયાબેન અને બન્ને છોકરાઓ અંગે પૂછતાં તેમણે તેઓ ઘરે નથી આવ્યા એમ જણાવ્યુ હતુ. ભારે શોધખોળ છતાં દિકરી અને તેના બે સંતાનો પત્તો ન લાગતા માતા મનિષાબેને પોલીસ મથકે ફરિયાદ નોંધાવી હતી.