હાલાકી:આંબાતલાટ માન નદી પુલ પરનાં ખાડા વાહનચાલકો માટે જોખમી

ધરમપુરથી વાંસદા જતા મુખ્ય માર્ગ પર આવેલા આંબાતલાટ ગામની તાન નદી પુલ પર જોખમી ભાસી રહેલા ખાડાને બંધ કરવાની આવશક્યતા વર્તાઈ રહી છે. દિવસ રાત વાહનોથી સતત વ્યસ્ત આ પુલની વચ્ચે જોવા મળી રહેલા ખાડાને લઇ અકસ્માતની ભીતિ ઉભી થઇ રહી છે. મુખ્યત્વે રાત્રીના સમયે અચાનક વાહનોના વ્હિલ પડવાની સ્થિતિમાં સંતુલન ગુમાવવાની શકયતાથી અકસ્માતની ભીતિને પગલે વાહન ચાલકોમાં આ ખાડો બંધ કરવાની લાગણી ઉભી થઇ છે.

આ પુલ પરથી વ્યારા, આહવા, વાંસદા અને ધરમપુર, વાપી, નાસિક તરફથી આવતા જતા વાહનોની અવરજવર મોટા પ્રમાણમાં થતી હોય છે. જેને લઇ પુલના વચ્ચેનો આ ખાડો હજી વધુ મોટા ખાડામાં પરીણામે એ પેહલા તંત્ર તાકીદે લોકોની સલામતી અને સુવિધા માટે ખાડાને બંધ કરવાની કામગીરી હાથ ધરે એજ સમયની માંગ છે.