સુવિધા:બિલીયા ગાદીક ખાડી પર નવો પુલ બનતા વાહન ચાલકોને રાહત

ફણસા અને ઘોડિપાડા સ્ટેટ હાઇવેને જોડતો મીશ્રીમલ અને બિલિયા ઘોડિપાડા માર્ગ પરથી પસાર થતી ગાદીક ખાડી પર 24 લાખના ખર્ચે નવો પુલ બનાવ્યો છે. જૂના સાંકડા પુલ પર ભારે વાહન પસાર ન થતાં આ પૂલ નાનાવાહન ચાલકો માટે ઉપયોગી બનશે.

સરીગામથી ફણસા જતા સ્ટેટ હાઇવે અને સરઈ મરોલી કોસ્ટલ સ્ટેટ હાઇવેને જોડતો ટૂંકા અંતરનો બીલિયા ઘોડિપાડા મીશ્રીમલ માર્ગ પર ગાદીક ખાડી આવેલી છે. જે ગાદીક ખાડી પર બનાવેલ કોઝવે કમ ચેકડેમ ચોમાસામા ડૂબી જતાં અને કોઝવે પર ભયજનક વળાંકને લઇ માર્ગ પરથી ભારે વાહનો પસાર થઈ શકતા ન હતા. માર્ગ વાહન ચાલકો માટે જોખમી બન્યો હતો.

આ ટૂંકા અંતરના માર્ગ અનેક ફળિયા જોડતા માર્ગ પરથી રોજિંદા સેંકડો વાહન ચાલકો પસાર થાય છે. જુના પુલ પર વરસાદી પાણી ફરી વળતા પુલનું ધોવાણ થઈ સળીયા બહાર નીકળી આવ્યા હતા. જે ખાડી પર 24 લાખના ખર્ચે મધ્યભાગથી નવા પુલનું નિર્માણ થયું છે. નવા પુલના નિર્માણથી નવા પુલ પર ટૂંકા ભારે વાહનો પસાર થતાં ખેડૂતો, ઘાસના વ્યાપારી ઓ તથા સ્થાનિકો માં ખુશી ની લહેર છે. ભીલાડ વિસ્તારમાં પુલ બનતા હજારો રાહદારીઓને રાહત થશે. લાંબા સમયથી સ્થાનિકો માગ કરી રહ્યા હતાં.