સંકલનમાં મુદ્દો રજુ કર્યો:ઉમરગામ તાલુકાના કલગામના રમતગમત મેદાન પર ખેલાડી માટે તાત્કાલિક સુવિધા ઉપલબ્ધ કરો

ભીલાડએક મહિનો પહેલા
  • કૉપી લિંક
  • ધારાસભ્ય રમણ પાટકરે સંકલનમાં મુદ્દો રજુ કર્યો

ઉમરગામ તાલુકાના કલગામ ગામ ખાતે સર્વે ન.392 વાળી 13 એકર જગ્યા તાલુકા કક્ષાના રમતગમતનું મેદાનની ફાળવણી કરી છે. જે મેદાન પરની ફરતે કમ્પાઉન્ડ કરી ખેલાડી માટે જરૂરી સુવિધા તાત્કાલિક ઉપલબ્ધ કરવા ધારાસભ્ય રમણ પાટકરે સંકલનમાં મુદ્દો રજુ કર્યો છે.

ઉમરગામ તાલુકા ધારાસભ્ય અને પૂર્વ મંત્રી રમણ પાટકરે ખેલાડીઓ માટે કલગામ ગામ ખાતે સર્વે ન.392 વાળી 13 એકર જગ્યા રમતગમત મેદાન માટે ફાળવી હતી. જે જગ્યા પર ફરતે કમ્પાઉન્ડ વોલ, પીવાના પાણી, ખેલાડી માટે રેસ્ટ રૂમ, ભાઈ, બહેનો માટે અલગઅલગ શૈચાલય તથા વીજળી સેવા ઉપલબ્ધ કરવા જિલ્લા સંકલનમાં પ્રશ્ન ઉપસ્થિત કરી સુવિધા ઉપલબ્ધ કરવા જણાવ્યું છે.

ઉમરગામ તાલુકામાં ખેલાડી માટે રમતગમત માટે જગ્યાની વર્ષોની માગને લઈ કલગામ ગામ ખાતે રમતગમતના મેદાન માટે જગ્યાની ફાળવણી કરવામાં આવી છે. કલગામના રમતગમત મેદાન પર જિલ્લા રમતગમત વિભાગે સુવિધા ઉપલબ્ધ કરવા માટે સ્પોર્ટ્સ ઓથોરિટી ઓફ ગુજરાતને જાણ કરી છે. હવે જોવાનું એ રહેશે સરકાર આ માટે કેટલી ગ્રાન્ટ ફાળવે અને ક્યારે સુવિધા મળે.

અન્ય સમાચારો પણ છે...