અકસ્માત:ટેમ્પો -કન્ટેનર વચ્ચે અકસ્માત, ક્લીનરનું મોત

ભીલાડ પોલીસ મથક નજીક ભીલાડ રેલવે ફાટક સામે ને.હા.48 ના ક્રોસિંગ પર અવાર નવાર અકસ્માતો ના બનાવો બની રહ્યા છે.જેમાં નિર્દોષ વ્યક્તિ જીવ ગુમાવી રહ્યા છે.અકસ્માત ઝોન બની ચૂકેલા ક્રોસિંગ પર રવિવાર ના રોજ વધુ એક અકસ્માત ની ઘટના બનવા પામી છે.રાત્રી ના 9.30 કલાકે વાપી થી ઉમરગામ તરફ જતા ટેમ્પા ન.GJ.15.AT.7322 ના ચાલક નવસા મોહંમદ ઇશાક (મુસ્લિમ)ભીલાડ રેલવે ફાટક તરફ વાહન હંકારતા.

મુંબઇ થી વાપી તરફ પુર ઝડપે જતા કન્ટેનર ન.MH.06.AC.8884 ના ચાલકે ટેમ્પા માં કન્ટેનર આગળ થી ઘુસાવી દેતા ટેમ્પા ના ક્લીનર રિજવાન અબ્બુબકકર ખાન (રે,ઉમરગામ) નું ઘટના સ્થળ પર મોત નીપજ્યું હતું. અકસ્માત બાદ કન્ટેનર ચાલક પોતાનું વાહન છોડી ભાગી છૂટ્યો હતો. આ બનાવ અંગે ભીલાડ પોલીસ મથક માં ફરિયાદ નોંધાઇ છે.