કાર્યવાહી:વાઘોડિયાના પાટીયાપુરા ગામ પાસેથી 96 હજારનો દારૂ જપ્ત, દારૂની 180 બોટલો સહિત રૂ.297400નો મુદ્દામાલ જપ્ત

વાઘોડિયા તાલુકા પોલીસને બાતમી મળી હતી કે ખેરવાડી રૂસ્તમપુરા રોડ ઉપરથી એક ટાટા ઇન્ડિકા ગાડી નંબર Gj06kp 3196 નંબરની ગાડીમાં ઇંગ્લિશ દારૂ ભરી વડોદરા શહેરમાં જઈ રહ્યો છે તે ચોક્કસ બાતમીથી વાઘોડિયા પોલીસ પાટીયાપુરા ગામ નજીક વોચમાં રહી ઈન્ડીકા ગાડી આવતા પોલીસે તેને ઉભી રાખી

સદર ગાડીની તલાશી લેતા ગાડીમાં છુપાયેલો ઈંગ્લીશ દારૂની 180 બોટલો જેની કિંમત રૂપિયા 96900 તથા એક મોબાઇલ જેની કિંમત રૂપિયા 500 તથા ગાડીની કિંમત રૂપિયા 200000 મળી કુલ રૂપિયા 297400ના મુદ્દામાલ સાથે ભરતભાઈ નંદુભાઈ રાઠવા રહેવાસી રંગપુર, જીલ્લો છોટાઉદેપુરનાઓને પોલીસે ધરપકડ કરી વધુ તપાસ હાથ ધરવામાં આવી છે.