કરૂણ:શિનોરના મોટાફોફળીયા ગામે કિશોરીને કપડા સુકવવા જતા વીજ કરંટ લાગતા મોત

શિનોર તાલુકાના મોટા ફોફળીયા બાંગ્લાદેશ વિસ્તારમાં રહેતા આદિવાસી શ્રમજીવી પરિવારની સુમીત્રાબેન અશોકભાઈ વસાવા (ઉ.વ.17)ને વહેલી સવારે પોતાના ઘરના વાડામાં કપડા ધોઈને બાંધેલા તાર પર સુકવવા જતા કપડા સુકવવાના તાર નજીક લાઈનના બલ્બ માટેના વાયર જે કોઈ કારણસર વાયરનું ઈન્સ્યુલેટર ઉખડી જતાં તાર ખૂલ્લો થઈ ગયેલ તેને અડકી જતા વીજ પ્રવાહ ચાલુ હોવાથી જોરદાર ઝાટકો લાગતા સ્થળ પર જ તેણીનું કરૂણ મોત નીપજ્યું હતું. બનાવની જાણ થતા પરિવારની વૃદ્ધા બબલીબેન ઈશ્વરભાઈ વસાવા (ઉ.વ. 65) દોડી જતા તેમણે અને રમેશભાઈ ચતૂરભાઈ વસાવા (ઉ.વ.35)ને પણ વીજ કરંટ લાગેલો હતો. સદભાગ્યે બંને બચી ગયા છે. ફળિયામાં એકત્ર થયેલાઓએ 108 મારફતે શ્રી સી.એ. પટેલ સામુહિક આરોગ્ય કેન્દ્રમાં લઈ જવામાં આવ્યા હતા. બનાવની જાણ શિનોર પોલીસમાં કરતા પોલીસ ઘટના સ્થળે પહોંચી અકસ્માત મોતનો ગૂનો નોંધી કાર્યવાહી હાથ ધરેલ છે.