કોરોના:નર્મદામાં 10 રિપોર્ટ નેગેટિવ, વધુ 8 સેમ્પલ લીધા, 80,127 વ્યક્તિનું ડોર-ટુ-ડોર સર્વે

નર્મદા જિલ્લા એકેડેમીક મેડિકલ ઓફિસર ડૉ. આર.એસ.કશ્યપે જણાવ્યું હતું કે  આજે કોરોનાનો નવો કોઇ પોઝિટિવ કેસ નથી. ગઇકાલે ચકાસણી માટે મોકલાયેલા 10 સેમ્પલના રિપોર્ટ નેગેટીવ આવ્યાં છે. આજે 8 સેમ્પલ ચકાસણી માટે મોકલવામાં આવ્યાં છે. આરોગ્ય વિભાગના કંટ્રોલ કક્ષ મુજબ જિલ્લામાં આજે  આરોગ્ય કર્મીઓ દ્વારા 80,127 વ્યક્તિનું ડોર-ટુ-ડોર સર્વે કરવામાં આવ્યું છે, જેમાં શરદી-ખાંસીના 157 દરદીઓ, તાવના 46 દર્દીઓ અને ડાયેરીયાને 34 દર્દીઓ સહિત કુલ - 237 જેટલા દર્દીઓ ઉક્ત ચકાસણી દરમિયાન મળી આવતાં આ દર્દીઓને જરૂરી સારવાર પુરી પાડવામાં આવી છે.