ક્રાઇમ:બાઈકચાલક ગઠિયો મહિલાના હાથમાંથી પર્સ ઝૂંટવી લઇ ફરાર

પાદરાના ઘાયજ રોડ પર આવેલ શારદા હાઈસ્કૂલના પ્રાયમરી વિભાગમાં ફરજ બજાવતા મહિલા પ્રિન્સિપાલ અમિષાબેન સોની તેઓની સ્કૂલમાંથી છૂટ્યા બાદ ઘરે જતા હતા. ત્યારે બાઈકચાલક ગઠિયો મહિલાના હાથમાંથી પર્સ ઝૂંટવી ફરાર થયાની ઘટના બની હતી. પાદરાના પર્શ્વનાથ સોસાયટીથી પુરબાઈના પરા વિસ્તાર તરફ જતા ઘટના બની હતી. મહિલા પ્રિન્સિપાલ અમિષાબેન સોની તેઓના હાથમાં પર્સ લઈને પસાર થતા હતા ત્યારે બાઈકચાલક ગઠિયો પર્સ ઝૂંટવીને ફરાર થયો હતો. જેમાં રૂપિયા 1500 રોકડા તથા મોબાઈલ સહિત સરકારી ઓળખપત્રો હતા.

મહિલાએ પાદરા પોલીસ મથકે જાણ કરતા પોલીસ ઘટનાસ્થળ નજીકમાં આવેલી દૂધ ડેરીમાં લગાવેલ આવેલ CCTV કેમેરામાં તપાસ કરતા મહિલાની પાછળ બાઇલચાલક પીછો કરતો હોવાની ઘટના કેમેરામાં કેદ થઈ હતી. પાદરા પોલીસે પણ તપાસ આરંભી હતી.