ભાસ્કર વિશેષ:વિશ્વ કેન્સર દિને ફેઈથ ફાઉન્ડેશન દ્વારા સાઇકલ યાત્રાનું આયોજન

સાયકલ યાત્રા અમદાવાદના સાબરમતી આશ્રમથી નવસારીના દાંડી સુધીના સાઈકલીસ્ટ પાદરાના રણુ તુલજા મંદિરે આવી પહોંચ્યા હતા. વિશ્વ કેન્સર દિવસ નિમિત્તે અમદાવાદના સાબરમતી આશ્રમથી નીકળેલી જન જાગરણ રેલી પાદરા ખાતે આવી પહોંચી હતી. તમાકુના સેવનના કારણે ભારતમાં દર વર્ષે 13.5 લાખ લોકો મૃત્યુ પામે છે. આ મૃત્યુદર ઘટાડવા અને લોકો વ્યસનમુક્ત જીવન જીવી એક સ્વસ્થ જીવનશૈલી અપનાવે તેવો સંદેશોએ લોકો સુધી પહોચે તે માટેનો પ્રયત્ન અને હેતુએ સંસ્થાનો છે.

અને તે માટે 4થી ફેબ્રુઆરી એટલે કે ‘વિશ્વ કેન્સર દિવસ’ નિમિત્તે ફેઈથ ફાઉડેશન વડોદરા દ્વારા સાઇકલ યાત્રા ‘રાઈડ ફોર ટોબેકો ફ્રિ જનરેશન’(Ride4TFG) કાર્યક્રમનું આયોજન કરવામાં આવ્યું છે. આ સાઇકલ યાત્રા નો તા.૧લી ફેબ્રુઆરી, 2021 અમદાવાદના સાબરમતી આશ્રમથી પ્રારંભ કરવામાં આવ્યો હતો. જે 7 જિલ્લામાં થઈ પૂર્ણાહુતિ 4થી ફેબ્રુઆરી 2021ના રોજ નવસારીના દાંડી ખાતે બીચ પર કરવામાં આવશે. દાંડી બીચને ‘ટોબેકો ફ્રી ટુરિસ્ટ દાંડી’ તરીકે જાહેર કરવામાં આવે તેવી માગ પણ કરવામાં આવશે.

બે સાયકલ યાત્રીઓ અક્ષય અગ્નિહોત્રી તથા પ્રવીણગિરી 525 કિલોમીટરનું સાયકલ પર અંતર કાપશે. જેમાં તેઓ સાથે તેમની ટીમમાં કુલ 20 કાર્યકર્તાઓ સાબરમતી આશ્રમથી જેતલપુર, માતર, અને બોરસદ થઈ સાઇકલ યાત્રી વડોદરા જિલ્લાના પાદરાના રણુના તુલજા મંદિર ખાતે પહોંચ્યા હતા. રણુ મંદિરે દર્શન કરીને તેઓની ટીમે રણુ ખાતે જનજાગરણ અભિયાનના ભાગરૂપે નાટક પણ રજૂ કર્યું હતું. આ યાત્રા દરમિયાન બંને સાયકલ યાત્રી રોજનું સરેસાશ 90થી 100 કિ.મી જેટલું સાયકલીંગ કરે છે.

લોકો વ્યસન છોડશે તો અમારી યાત્રા સફળ માનીશું
સાયકલયાત્રી અક્ષય અગ્નિહોત્રી એ જણાવ્યુ કે, આ યાત્રા દરમિયાન હજારો લોકો સાથે મુલાકાત થાય છે. જેમાં જરૂરી નથી દરેક વ્યક્તિ વ્યસન મુક્ત થાય પરંતુ થોડાક લોકો પણ વ્યસન છોડશે તો પણ અમારી યાત્રા સફળ માનીશું.

સાઇકલયાત્રાનો ઉદેશ્ય