ક્રાઇમ:મન્સૂરી કબ્રસ્તાન પાસે યુવક પર હુમલો કરી લૂંટ

મૂળ હાથીખાનાનો રહેવાસી અને અમદાવાદ ગોમતીપુરમાં રહેતા મુનાફ જિલ્લાની ભાઈ સિંધીએ કરેલીબાગ પોલીસમાં હુસેન કાદર મિયા સુન્ની, યાકુબ ઈબ્રાહીમ મેમણ, અફઝલ ઉર્ફે બટકો જીણુ શેખ અને અરબાઝ રફીક મેમણ સામે ફરિયાદ નોંધાવી કે તેની માતાની તબિયત ખરાબ થતાં તેમને દવાના પૈસા આપવા તે વડોદરા આવ્યો હતો.

રાત્રે જમ્યા બાદ કારેલીબાગ પાણીની ટાંકી તરફ જતો હતો ત્યારે મન્સૂરી કબ્રસ્તાન પાસે આ ચાર જણાએ તેને રોકી, તું ક્યાં જાય છે, કહી માર માર્યા બાદ પીઠના ભાગે ચપ્પુ માર્યું હતું અને ગળામાં પહેરેલો સોનાનો અછોડો ખેંચી લીધો હતો. ઉપરાંત તેના ખિસ્સામાંથી રૂા.5500 પણ કાઢી લઈ વડોદરા છોડીને ભાગી જા નહિતર મારી નાખીશું તેવી ધમકી આપી હતી.