ચૂંટણી:પ્રથમ દિવસે 337 ફોર્મનો ઉપાડ,ભરાયું એકેય નહીં, વોર્ડ 16 થી 19માં સૌથી વધુ 114 ફોર્મનું વિતરણ

પાલિકાની ચૂંટણી પ્રક્રિયાના શરૂ થયાના પહેલા દિવસ 1 ફેબ્રુઆરીના રોજ 19 વોર્ડમાં ચૂંટણી અધિકારીઓ દ્વારા ફોર્મનું વિતરણ શરૂ કરાયું હતું. જેમાં સૌથી વધુ ‌114 ફોર્મ વોર્ડ 16 થી 19 અને સૌથી ઓછા 29 ફોર્મનો વોર્ડ 7 થી 9માં ઉપાડ થયો છે. પહેલા દિવસે એક પણ ઉમેદવારોએ ફોર્મ ભર્યું ન હતું.જોકે મેયર પદના વોર્ડ નંબર 15ના જુથ 13 થી 15 વોર્ડમાં 53 ફોર્મનું વિતરણ થયું હતું. ફોર્મ ભરવાની છેલ્લી તારીખ 6 જાન્યુઆરી છે. ફોર્મ ચકાસણીની તારીખ 8 જાન્યુઆરી અને 9મી સુધી ફોર્મ પાછું ખેચી શકશે.