કોરોનાનો એન્ટ્રી ગેટ:કમાટીબાગમાં પ્રવેશ માટે મોટો ગેટ બંધ રાખી માત્ર નાનો ગેટ ખુલ્લો, દોઢ કલાકમાં 500થી વધુ લોકોની એન્ટ્રીથી સોશિયલ ડિસ્ટન્સ ન જળવાયું

શહેરના કમાટીબાગમાં રવિવારની રજામાં બપોરના 4 વાગ્યા થી 5:30 વાગ્યા સુધીના ગાળામાં મુલાકાતીઓની ભારે ભીડ જોવા મળી હતી. સોશીયલ ડિસ્ટન્સ નહીં જળવાતાં બગીચાની એન્ટ્રી નહીં પણ કોરોનાનો એન્ટ્રી પોઇન્ટ હોય તેવું દ્રશ્ય સર્જાયું હતું. પાલિકા બગીચામાં આવનાર મુલાકાતીઓ માટે એકમાત્ર નાનો ગેટ ખુલ્લો રાખતા લોકોની ભીડ થાય છે. જો વચ્ચેનો મોટો ગેટ ખોલી નાખે તો સોશિયલ ડિસ્ટન્સ પણ જાળવી શકાય તેમ છે.