આવક પહેલાં પાળ:આકારણી પૂર્વે વેમાલી સહિત સાત ગામમાં પાણી સુવિધાની મથામણ

શહેરની હદમાં સમાવિષ્ટ થયેલા સાત ગામોમાંથી વેરાની આવક મેળવવાનો તખ્તો તૈયાર થયો છે અને તેની મિલકતોની આકારણી કરવાની કવાયત હવે શરૂ થનાર છે ત્યારે પાણી પૂરું પાડતા ટ્યુબવેલની મરામત કરવા નો વાર્ષિક 20 લાખ રૂપિયાનો ખર્ચો મંજૂર કરવાની ભલામણ કરાઈ છે.હાલમાં શહેરને 50 કરોડ મીટરથી વધુ પાણી રોજ નું પૂરું પાડવામાં આવી રહ્યું છે.આ સિવાય પાણી પુરવઠા વિભાગ હસ્તકની પાણીની ટાંકીના કમ્પાઉન્ડમાં તેમજ અન્ય સ્થળોએ મળી કુલ 75 ટ્યુબવેલ કાર્યરત છે.

પાલિકાની હદમાં સમાવિષ્ટ સાત ગામોમાં પણ 34 ટ્યુબવેલ છે અને તેના કારણે કુલ ટયુબવેલની સંખ્યા 109 થાય છે.વેમાલી, સેવાસી, વડદલા, બિલ, ઉંડેરા ,કરોડિયા સહિત કુલ સાત ગામો પાલિકાની હદમાં આવ્યા છે અને ત્યાં પાલિકા દ્વારા સુવિધા કેવી પૂરી પાડવામાં આવી રહી છે તેના પ્રશ્નો પણ ઊભા થયા છે.

આ સંજોગોમાં પાલિકાએ આ સાત ગામોમાં મિલકતોનો સર્વે કરવાનું નક્કી કર્યું છે અને ત્રણ મહિનામાં 60 હજારથી વધુ મિલકતો નો સર્વે કરવા માટે કામગીરી પણ સોંપી છે. આ સરવેની કામગીરી શરૂ થાય તે તેના ભાગરૂપે આ સાત ગામોમાં પાણી પૂરું મરમ્મત માટે ઇજારો આપવાની ભલામણ કરતી દરખાસ્ત સ્થાયી રજૂ કરાઈ છે.