મુદ્ત:12મી સુધી વૉર્ડ 1, 2 અને 9માં વ્યાજ વિના બાકી વેરો ભરી શકાશે

કોરોના કાળમાં પણ પાલિકાએ વેરાની આવક 350 કરોડને પાર કરી છે ત્યારે છેલ્લા પૂર્વ ઝોનની રેગ્યુલર મુદતમાં પણ 15 દિવસનો વધારો કરી દેવાતાં વૉર્ડ નં.1,2 અને 9 ના બાકી કરદાતા 12 જાન્યુઆરી સુધી વ્યાજ વગર વેરો ભરી શકશે.

2020-21માં મિલકત વેરાની આવકનો લક્ષ્યાંક 492 કરોડ છે અને વર્ષ પૂરું થવા આડે 3 મહિના બાકી છે. અગાઉ 3 ઝોનમાં બિલો ભરવાની મુદત પૂરી થતાં 15 દિવસ વધારાયા હતા. જ્યારે પૂર્વ ઝોનની રેગ્યુલર મુદત 28 ડિસેમ્બરે પૂરી થતાં તેની મુદત 15 દિવસ વધારીને 12 જાન્યુઆરી કરાઈ છે. જેથી વૉર્ડ 1, 2 અને 9ના ચાર દરવાજા, ન્યાય મંદિર રોડ, વાઘોડિયા રોડ, આજવા રોડ, સરદાર એસ્ટેટ, ન્યૂ વીઆઈપી રોડ, કિશનવાડી, હરણી-વારસિયા રિંગ રોડના કરદાતા વગર વ્યાજ દંડે બાકીનો મિલકત વેરો ભરી શકશે.