એજ્યુકેશન:UGC: હવે 30 જૂન સુધી સબમિટ કરાવી શકાશે થીસીસ

યુનિવર્સિટી ગ્રાન્ટ કમિશને રિસર્ચ સ્કોલર્સને એમફીલ અને પીએચડી થીસીસ જમા કરાવવા માટે 6 મહિનાનો વધારાનો સમય આપ્યો છે. UGCના આ નિર્ણય બાદ એમફીલ-પીએચડીના વિદ્યાર્થીઓ 30 જુન 2021 સુધી થીસીસ સબમિટ કરી શકશે. આ અંગે ugc.ac.in પર નોટિફિકેશન પણ જાહેર કર્યું છે. અગાઉ એપ્રિલમાં જાહેર કરાયેલી ગાઈડલાઈન્સ પ્રમાણે UGCએ એમફીલ અને પીએચ થીસીસ સબમિટ કરાવવા માટે 30 જૂન 2020 છેલ્લી તારીખ હતી જેને લંબાવી 31 ડિસેમ્બર કરાઈ હતી. કોરોનાને કારણે યુનિવર્સિટી બંધ છે જેના કારણે વધુ એકવાર તારીખ લંબાવવામાં આવી છે.