કોરોના વડોદરા LIVE:આજે વધુ 47 પોઝિટિવ, વધુ 44 દર્દી ડિસ્ચાર્જ કુલ કેસઃ23,757, મૃત્યુઆંક 241, કુલ 22,906 દર્દી રિકવર થયા

મહાનગરપાલિકાએ જાહેર કરેલા આંકડાઓ પ્રમાણે, વડોદરા શહેર જિલ્લામાં કોરોનાના આજે વધુ 47 પોઝિટિવ કેસ નોંધાયા છે. આમ પોઝિટિવ કેસનો કુલ આંક 23,757 ઉપર પહોંચી ગયો છે અને મૃત્યુઆંક 241 થયો છે. વડોદરા શહેર જિલ્લામાં આજે વધુ 44 દર્દીને હોસ્પિટલમાંથી ડિસ્ચાર્જ કરવામાં આવ્યા છે. અત્યાર સુધીમાં કુલ 22,906 લોકો કોરોનાને માત આપી ચૂક્યા છે. વડોદરામાં હાલ 610 એક્ટિવ કેસ પૈકી 66 દર્દી ઓક્સિજન ઉપર અને 27 દર્દી વેન્ટિલેટર ઉપર છે અને 517 દર્દીની હાલત સ્થિર છે.

વડોદરા રૂરલમાં સૌથી વધુ 7382 કેસ
વડોદરા શહેર જિલ્લામાં અત્યાર સુધીમાં કોરોનાના 23,757 પોઝિટિવ કેસ નોંધાયા છે. જે પૈકી પૂર્વ ઝોનમાં 3528 પશ્ચિમ ઝોનમાં 3867, ઉત્તર ઝોનમાં 4639, દક્ષિણ ઝોનમાં 4305, વડોદરા ગ્રામ્યમાં 7382 અને 36 કેસ બહારના શહેર અને રાજ્યોના નોંધાયા છે.

આ વિસ્તારમાં કોરોનાના નવા કેસો નોંધાયા
શહેરઃ કારેલીબાગ, નવાપુરા, કપુરાઇ, ગાજરાવાડી, માંજલપુર, પાણીગેટ, દિવાળીપુરા, ફતેપુરા, નવીધરતી, તાંદલજા
ગ્રામ્યઃ પોર, કરજણ, ડભોઇ, વાઘોડિયા, પાદરા, શિનોર, સાવલી