તસ્કરી:તેજાબ મિલની ચાલીમાંથી દાગીનાની ચોરી

શહેરના ડભોઇ-પ્રતાપનગર રોડ આવેલી તેજાબ મિલની ચાલીના બંધ મકાનમાંથી તસ્કરોએ 95 હજારની મતાની ચોરી કરી હતી. તેજાબ મિલના મકાનમાં રહેતાં મનિષાબેન કિરીટભાઈ પરમારે પોલીસમાં ફરિયાદ નોંધાવી હતી કે, 2 ડિસેમ્બરે તેમના પતિ આણંદ ગયા હતા, જ્યારે તેઓ રાત્રે મકાન બંધ કરી તેમની માતાના ઘરે ડભોઈ રોડ પર ગયાં હતાં. દરમિયાન પાડોશીએ તેમને જાણ કરી હતી કે, તેમના ઘરનો દરવાજો ખુલ્લો છે, જેથી તેમણે ઘેર આવીને તપાસ કરતાં તસ્કરોએ મુખ્ય દરવાજાનો નકૂચો તોડીને મકાનમાં પ્રવેશી લાકડાના કબાટમાંથી 95 હજારના સોના-ચાંદીના દાગીના ભરેલી પેટીની ચોરી કરી હતી.