આત્મહત્યા:માતા સાથે ફોન પર ઝઘડો થયા પછી યુવકે ફાંસો ખાધો

શહેરના ઘડિયાળી પોળ વિસ્તારમાં રહેતા મૂળ બંગાળના સોનાના કારીગરે ગળે ફાંસો ખાઈ જીવન ટુંકાવ્યું હતું માતા સાથે ફોન પર વાત કર્યા બાદ તેણે આ પગલું ભર્યુ હોવાનું પોલીસ તપાસમાં બહાર આવ્યું છે પોલીસના જણાવ્યા અનુસાર મુળ પશ્ચિમ બંગાળના હુગલી જિલ્લામાં રહેતા મહંમદ કબીર ઉર્ફે સુરજ અબ્દુલ હનન ઘડિયાળી કોડ શોભાલાલ જ્વેલર્સની ઉપર રહેતો હતો. તે સોનાનો કારીગર હતો.

મંગળવાળે તેની સાથે રહેતા તેના મિત્રના ફોન પર મહંમદ કબીર ઉર્ફે સૂરજની માતાનો ફોન આવ્યો હતો. જેમાં ફોન પર વાતચીતમાં તે ઝઘડ્યો હતો. ફોન પર થયેલા ઝઘડા બાદ તેણે મકાનમાં ગળે ફાંસો ખાઈ જીવન ટુંકાવ્યું હતું. પોલીસે મૃતદેહને સયાજી હોસ્પિટલ ખસેડી આગળની તપાસ હાથ ધરી હતી.