દુર્ઘટના:લો બીપી થતાં યુવતી રિક્શા સ્ટેન્ડમાં જ બેભાન થઇ ગઇ

શહેરના સયાજીગંજ વિસ્તારમાં રીક્ષા બસ સ્ટેન્ડ પાસે એક કોલેજિયન યુવતી બેભાન હાલતમાં મળી આવતા સયાજીગંજ પોલીસે યુવતીને સયાજી હોસ્પિટલમાં સારવાર હેઠળ ખસેડવામાં આવી હતી.

પોલીસના જણાવ્યા અનુસાર મૂળ અંકલેશ્વરની 20 વર્ષની વિધિ ગૉસ્વામી શહેર નજીક આવેલી ખાનગી હોસ્પિટલમાં અભ્યાસ કરે છે. આગામી 31મી તારીખે તેની પરીક્ષા હોવાથી તેણી અંકલેશ્વર જવા નીકળી હતી. દરમ્યાન વિધિ સિટી બસ મારફતે સયાજીગંજ વિસ્તારમાં પહોંચી હતી. જ્યાં તે એકાએક બેભાન થતા અનેક તર્ક વિતર્ક સર્જાયા હતા. પોલીસે આ બનાવ અંગે તેના પરિવારજનોને જાણ કરતા તેઓ પણ વડોદરા આવી પહોંચ્યા હતા. પોલીસના જણાવ્યા અનુસાર વિધિનું બ્લડ પ્રેશર લો થઈ ગયું હોવાથી તેણી બેભાન થઈ હતી.