કોરોના વડોદરા LIVE:છેલ્લા 24 કલાકમાં વધુ 110 પોઝિટિવ, વધુ 99 દર્દી ડિસ્ચાર્જ, કુલ કેસઃ18,688, મૃત્યુઆંક 226, કુલ 17,234 દર્દી રિકવર થયા

મહાનગરપાલિકાએ જાહેર કરેલા આંકડાઓ પ્રમાણે, વડોદરા શહેર જિલ્લામાં કોરોનાના આજે વધુ 110 પોઝિટિવ કેસ નોંધાયા છે. આમ પોઝિટિવ કેસનો કુલ આંક 18,688 પર પહોંચી ગયો છે અને મૃત્યુઆંક 226 થયો છે. વડોદરા શહેર જિલ્લામાં આજે વધુ 99 દર્દીને હોસ્પિટલમાંથી ડિસ્ચાર્જ કરવામાં આવ્યા છે. અત્યાર સુધીમાં કુલ 17,234 લોકો કોરોનાને માત આપી ચુક્યા છે. વડોદરામાં હાલ 1228 એક્ટિવ કેસ પૈકી 160 દર્દી ઓક્સિજન પર અને 63 દર્દી વેન્ટિલેટર પર છે અને 1005 દર્દીની હાલત સ્થિર છે.

વડોદરા રૂરલમાં સૌથી વધુ 5673 કેસ
વડોદરા શહેર જિલ્લામાં અત્યાર સુધીમાં કોરોનાના 18,688 પોઝિટિવ કેસ નોંધાયા છે. જે પૈકી પૂર્વ ઝોનમાં 2801, પશ્ચિમ ઝોનમાં 3016, ઉત્તર ઝોનમાં 3773, દક્ષિણ ઝોનમાં 3389, વડોદરા ગ્રામ્યમાં 5673 અને 36 કેસ બહારના શહેર અને રાજ્યોના નોંધાયા છે.

આજે આ વિસ્તારમાં કોરોનાના નવા કેસો નોંધાયા
શહેરઃ નિઝામપુરા, તરસાલી, નવાયાર્ડ, માંજલપુર, શિયાબાગ, નવીધરતી, ગાજરાવાડી, છાણી, ગોત્રી, મકરપુરા, કારેલીબાગ, યમુનામીલ, અકોટા, કિશનવાડી, આજવા રોડ, ગોરવા
ગ્રામ્યઃ વાઘોડિયા, સાવલી, ડભોઇ, કરજણ, સેવાસી, પોર, જાસપુર, પાદરા