કાર્યવાહી:નામચીન બૂટલેગરને પાસા હેઠળ લાજપોર જેલમાં ધકેલી દેવાયો

પશ્ચિમ રેલવે એલસીબી પોલીસે નામચીન બુટલેગર અમદાવાદના હિતેન ગાંધી ને પાસા હેઠળ સુરતની લાજપોર જેલમાં ધકેલી દીધો હતો પોલીસ સૂત્રોએ જણાવ્યું હતું કે અમદાવાદની ધનાસુથારની પોળ કાલપુરમાં રહેતા હિતેન ગાંધી સામે વડોદરા , વાપીના ચીખલી અને વાપી રેલવે પોલીસ સ્ટેશનમાં પ્રોહીબીશનના ગુના નોંધાયા હતા

પશ્ચીમ રેલવે એલસીબી પીઆઇ ઉત્સવ બારોટે બુટલેગર હિતેન ગાંધી સામે પાસાની દરખાસ્ત તૈયાર કરી પોલીસ કમિશનર વડોદરા ને મોકલી આપતા તેમણે હિતેન ગાંધીને પાસા હેઠળ સુરતની લાજપોર જેલમાં ધકેલવા હુકમ કર્યો હતો જેના પગલે હિતેન ગાંધીની અટકાયત કરી તેને સુરત જેલમાં મોકલી દેવાયો હતો. હિતેન ગાંધી ને 2017માં પણ ચીખલી પોલીસે પાસા હેઠળ ધકેલી દીધો હતો.