તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

નિર્ણય:ગેરકાયદે ગોડાઉનમાં આકસ્મિક ચેકિંગ કર્યા બાદ સીલ કરી દેવાશે

વડોદરા23 દિવસ પહેલા
  • કૉપી લિંક
  • દાંડિયાબજારમાં ગોડાઉનમાં આગ બાદ ફાયરબ્રિગેડ દોડતું થયું
  • ગોડાઉન અને દુકાનમાં ફાયર સેફ્ટીનાં કોઈ સાધન નહતાં

દાંડિયાબજાર ખારીવાવ રોડ પર શનિવારે સેનિટાઇઝરના ગેરકાયદે ચાલી રહેલા વિહાન એન્ટરપ્રાઇઝના ગોડાઉનમાં આગ બાદ ફાયરબ્રિગેડ દોડતું થયું છે. ગોડાઉન અને દુકાનમાં ફાયર સેફ્ટીનાં સાધન ન હોવાથી રહીશોમાં ફફડાટ ફેલાયો હતો. આવા જ્વલનશીલ પદાર્થનો સંગ્રહ કરનાર ગેરકાયદે ગોડાઉન અંગે ચેકિંગ કરી સીલ મરાશે, તેવી ચીમકી ફાયર વિભાગે ઉચ્ચારી છે.

ઈ.ચીફ ફાયર ઓફિસર પાર્થ બ્રહ્મભટ્ટ જણાવ્યું કે, રહેણાક વિસ્તારમાં દુકાનનું લાઇસન્સ લઈ સેનિટાઇઝર જેવા જ્વલનશીલ પદાર્થનો સંગ્રહ જીવલેણ સાબિત થઇ શકે છે. જ્વલનશીલ પદાર્થનો જથ્થો હોવા છતાં ફાયર સેફ્ટીનાં સાધન ન રાખવા એ ગંભીર બેદરકારી છે. આવાં ગેરકાયદે ગોડાઉનનું ચેકિંગ કરી સીલ મારીશું. બનાવ અંગે રાવપુરા પોલીસે જાણવાજોગ એન્ટ્રી કરી સંતોષ માન્યો છે. જ્યારે એફએસએલ તપાસ કરી રહ્યું છે.

મેડિકલ ઇક્વિપમેન્ટની દુકાન પ્રત્યે ઉદાસીનતા
ફાયરબ્રિગેડ દવાની દુકાનોમાં ફાયર સેફ્ટીનાં સાધનો છે કે નહીં તે અંગે ચકાસણી કરતું નથી. દવાની દુકાનોમાં મોટી માત્રામાં સેનિટાઇઝર હોય છે. ખારીવાવ રોડની સાથે પ્રતાપ રોડ અને રાવપુરામાં દવાની ઘણી દુકાનો છે. જ્યાં ફાયરસેફ્ટીનાં સાધનો છે કે કેમ તેની ફાયર વિભાગ પાસે માહિતી નથી.

અન્ય સમાચારો પણ છે...