ફરિયાદ:રીઢો વાહનચોર દાદુસિંહ પાસામાં ધકેલી દેવાયો

શહેરમાંથી વાહન ચોરી કરતા રીઢા ચોરની પાસા હેઠળ અટકાયત કરી રાજકોટ જેલમાં મોકલી અપાયો છે. રણોલી બ્રિજ પાસે રહેતા કિરપાલ સિંહ ઉર્ફ દાદુ સિંહ સામે વાહન ચોરીના છાણી પોલીસ સ્ટેશનમાં 2 અને સમા પોલીસ સ્ટેશમાં 1 ફરિયાદ નોંધાવાઈ હતી અને જિલ્લા બહાર રાજપીપળામાં 7 ફરિયાદ નોંધાઈ હતી.

દાદુસિંહ છેલ્લા કેટલાક મહિનાઓથી પોલીસને ચકમો આપીને નાસતો ફરતો હતો. કિરપાલસિંહ ઉર્ફે દાદુસિંહ વિરુદ્ધ અલગ-અલગ 9 પોલીસ સ્ટેશનોમાં ફરિયાદ નોંધાવામાં આવી હતી. દરમિયાન પોલીસે સમામાંથી દાદુસિંહની અટકાયત કર્યા બાદ પાસા હેઠળ તેને રાજકોટની જેલમાં ધકેલી દીધો હતો.