ઠંડીનો પલટવાર:ઠંડીનો પારો 12.8 ડિગ્રીએ પહોંચ્યો

ફેબ્રુઆરી મહિનામાં ઠંડીનો ચમકારો યથાવત્ રહેવા પામ્યો હતો. શનિવારે લઘુતમ તાપમાનનો પારો 12.8 ડિગ્રી નોંધાયો હતો. છેલ્લા 2 દિવસથી ઠંડીમાં વધારો નોંધાયો છે. ગુરુવારના રોજ લઘુતમ તાપમાન 15 ડિગ્રી નોંધાયું હતું અને હવાની ગતિ 6 કિમીની નોંધાઇ હતી. જ્યારે શુક્રવારે વાતાવરણમાં પલ્ટો આવ્યો હતો અને ઠંડીનો ચમકારો વધી ગયો હતો. ઉત્તર તરફથી ફૂંકાતા ઠંડા પવનોના કારણે ઠંડીમાં વધારો થયો હતો.

શુક્રવારે લઘુતમ તાપમાન 13.6 ડિગ્રી નોંધાયું હતું, જ્યારે પવનની ગતિ 9 કિમીની નોંધાઇ હતી, જેના કારણે ઠંડીનો ચમકારો જોવા મળ્યો હતો. જ્યારે શનિવારે લઘુતમ તાપમાન ઘટીને 12.8 ડિગ્રી પર પહોંચી ગયું હતું. રવિવારે ઠંડીનો પારો 12 થી 13 ડિગ્રી વચ્ચે નોંધાય તેવી સંભાવના હવામાન વિભાગે વ્યક્ત કરી છે. આ મહિનામાં ઠંડી યથાવત્ રહે તેવી સંભાવના છે.