મુદ્ત:2 લાખ લોકોના રિટર્ન બાકી મુદત 10 જાન્યુઆરી કરાઇ

ઇન્કમટેક્સ રિટર્ન ભરવાનું સર્વર ખોટકાવા ના પગલે રિટર્ન ભરવાની તારીખ લંબાવીને 10 જાન્યુઆરી કરાઈ છે. કોરોના મહામારી ના પગલે અંદાજિત 2 લાખ લોકોના રિટર્ન ભરવાના બાકી હોવાનું જાણવા મળ્યું છે.

ઇન્કમટેક્સ રિટર્ન ભરવાની છેલ્લી તારીખ 31 ડિસેમ્બર નક્કી કરવામાં આવી હતી પરંતુ છેલ્લા બે-ત્રણ દિવસથી રિટર્ન ભરવા માટે ભારે ધસારો થતાં સર્વર ખોટકાઈ ગયું હતું. સર્વર ધીમે ચાલવાની પણ ફરિયાદો ઉઠી હતી. ઇન્સ્ટિટયૂટ ઓફ ચાર્ટર્ડ એકાઉન્ટન્ટ દ્વારા સરકાર પાસે તારીખ લંબાવવા માટેની પણ માંગણી કરવામાં આવી હતી. વડોદરા ચેપ્ટરના પ્રમુખ કૃણાલ બ્રહ્મભટ્ટે જણાવ્યું હતું કે લોકડાઉન ના પગલે ડેટા મેળવવામાં ઘણી સમસ્યાઓ ઊભી થઈ હતી. આ ઉપરાંત રિટર્ન ભરવાની સાઇટમાં પણ ઘણી મુશ્કેલીઓ ઊભી થઇ હતી જેના કારણે સરકાર પાસે સમય વધારવાની માગણી કરાતા મુદત લંબાવીને 10 જાન્યુઆરી અને ટેક્સ ઓડિટની તારીખ 15 જાન્યુઆરી કરી છે.