ક્રાઇમ:ગોરવા કેનાલમાંથી મળેલી લાશ બાઈક નંબરથી ઓળખાઈ

વડોદરા શહેરની ગોરવા કેનાલમાંથી એક યુવકની લાશ મળી આવવાના બનાવમાં કેનાલ નજીક પાર્ક કરેલી બાઈકના આધારે મૃતક યુવકની ઓળખાણ થઈ છે. પોલીસના જણાવ્યા અનુસાર શુક્રવારે શહેરના ગોરવા વિસ્તારમાં આવેલી કેનાલમાંથી એક યુવકની લાશ મળી આવી હતી. ઘટનાના પગલે વિસ્તારમાં મોટી સંખ્યામાં લોકટોળા ઉમટી પડ્યા હતા. બનાવની જાણ થતાં ગોરવા પોલીસ સ્થળ પર દોડી ગઈ હતી.

કેનાલની બાજુમાં બિનવારસી બાઇક મળી આવતા પોલીસે બાઈકના નંબરના આધારે તપાસ શરૂ કરી હતી. બાઈકના નંબરના આધારે આ બાઇક નવાયાર્ડમાં રહેતા 35 વર્ષના કપિલ દેવરાજ ચૌહાણની હોવાનું સપાટી પર આવ્યું હતું. જોકે તેણે ક્યાં કારણોસર આ પગલું ભર્યું છે તે જાણવા મળ્યું નથી. ગોરવા પોલીસે મૃતદેહને પોસ્ટમોર્ટમ અર્થે ખસેડયો છે.પોલીસે બનાવના સંબંધમાં ગહન તપાસ હાથ ધરી છે.