વિભાગો:ભાજપે ચૂંટણીને ધ્યાનમાં રાખી 25 વિભાગો બનાવ્યા

પાલિકાની ચૂંટણીને ધ્યાનમાં રાખી ભાજપે પૂર્વ તૈયારીઓ શરૂ કરી છે અને તેના માટે 25 વિભાગો બનાવીને તેમાં ઇન્ચાર્જ અને સહ ઇન્ચાર્જ ની જવાબદારી પણ સોંપી દેવામાં આવી છે .જેમાં સમગ્ર ચૂંટણીના ઇન્ચાર્જ તરીકે શહેર મહામંત્રી સુનિલ સોલંકી અને ભાજપ આગેવાન ઘનશ્યામ દલાલ રહેશે.

આ ચૂંટણી ઇન્ચાર્જ ની ટીમમાં શહેર અધ્યક્ષ અને બાકીના બે મહામંત્રી પણ રહેશે. આ સિવાય, સેન્ટ્રલ કાર્યાલય, પ્રદેશના આગેવાનોનો પ્રવાસ, સોશિયલ મીડિયા, આઇટી, સભા-સરઘસની પરવાનગી, સમાજની બેઠક, હિસાબો, નવા ગામો શહેરમાં આવ્યા તેના સંપર્ક ઇન્ચાર્જ, અંતિમ દિવસની બૂથ વ્યવસ્થા, વોર્ડના ઉમેદવારોનો પ્રવાસ, સાહિત્ય, આચારસંહિતા, નાના સમાજના અગ્રણીઓનો પ્રવાસ જેવી 25 કામગીરી માટેના વિભાગો બનાવવામાં આવ્યા છે.