ક્રાઇમ:ચીકીની લાલચ આપી અઢી વર્ષની બાળકીની છેડતી

શહેરના કપુરાઇ ચોકડી વિસ્તારમાં પાડોશી યુવકે અઢી વર્ષની બાળકીને ચીકી આપવાના બહાને પોતાની સાથે લઇ જઇ જાતીય હુમલો કરી છેડતી કરી હતી. પોલીસે આ શખ્સને ઝડપી લીધો હતો. બાળકીના પરિવારે પોલીસને જાણાવ્યું હતું કે, બુધવારે સાંજના અરસામાં પાડોશમાં રહેતો દિનેશ નામનો શખ્સ તેમના ઘેર આવ્યો હતો અને તેમની અઢી વર્ષની પુત્રીને ચીકી અપાવવાના બહાને તેની સાથે લઇ ગયો હતો. થોડીવાર બાદ બાળકી રડતી રડતી ઘેર પરત આવી હતી.

પરિવારે તપાસ કરતાં દિનેશે બાળકી સાથે બિભત્સ વર્તન કરી ઉગ્ર જાતીય હુમલો કર્યો હોવાનું જણાતાં પરિવારે પોલીસ કન્ટ્રોલ રૂમને ફોન કર્યો હતો. જેથી વાડી પોલીસે પહોંચીને દિનેશ સામે છેડતીનો ગુનો નોંધી તેને ઝડપી લીધો હતો. પોલીસે બનાવ અંગે પૂછપરછ હાથ ધરી છે.