આયોજન:બીસીએ સામે અવાજ ઉઠાવતા સભ્યને શો કોઝ આપવા તખ્તો

ભારતીય ક્રિકેટ કંટ્રોલ બોર્ડના લોકપાલને બીસીએના વહીવટ અંગે ફરિયાદ કરનાર બીસીએના સભ્ય કલ્પેશ પરમારની મેમ્બરશિપ મુદ્દે શો કોઝ નોટિસ આપવા અંગેની બાબતો સહિત વિવિધ મુદ્દા પર 29મીએ મળનારી બીસીએની એપેક્ષ કાઉન્સિલની બેઠકમાં ચર્ચા થશે. એપેક્ષ કાઉન્સિલની બેઠકમાં કલ્પેશ પરમારના મુદ્દા ઉપરાંત મુુશ્તાક અલી ટ્રોફી ટી-20 ક્રિકેટ સ્પર્ધાના આયોજન અંગે પણ ચર્ચા કરાશે. અચરજની વાત તો એ છે કે, ડેવ વોટમોર નેપાળની ટીમ સાથે જોડાઈ ગયા છે છતાં તેમના મુદ્દે ચર્ચા કરાશે.

આ સિવાય અંજુ જૈનના અપડેટ વિશે ચર્ચા કરવાનો મુદ્દો એજન્ડામાં છે. બીસીએના સેક્રેટરી અજીત લેલેેએ જણાવ્યું હતું કે, ‘મંગળવારની એપેક્ષ કાઉન્સિલની બેઠકમાં વિવિધ મુદ્દે ચર્ચા કરાશે. સૂત્રો મુજબ અંજુ જૈને માફી માગવા બીસીએને મોકલેલા ઇ-મેલ અંગે પણ બેઠકમાં ચર્ચા કરવામાં આવે તેવી શક્યતા છે.

BCAએ જવાબ ન આપતાં બોર્ડ સુધી જવું પડ્યું
બીસીએની મેનેજિંગ કમિટીના પૂર્વ સભ્ય કલ્પેશ પરમારે જણાવ્યું કે, બીસીએના વહીવટ અંગે મેં બીસીસીઆઈના લોકપાલને રજૂઆત કરી હતી, તેને બીસીએ મારો વાંક ગણાવે છે. શો કોઝ અંગે એપેક્ષમાં ચર્ચા થવાની છે. મેં રજૂઆત કરી હતી, પણ બીસીએ દ્વારા જવાબ મળ્યો નથી એટલે મારે બોર્ડ સુધી જવું પડ્યું હતું.