કાર્યક્રમ:વંદે માતરમ-ઈન્કલાબ જિંદાબાદ બોલતાં કેટલાક લોકો ખચકાય છે : મહેસૂલ મંત્રી

વડોદરા5 મહિનો પહેલા
  • કૉપી લિંક
શહેરની એક ખાનગી સંસ્થા દ્વારા સયાજી હોસ્પિટલના ઓડિટરિયમ ખાતે દેશ માટે શહીદ થયેલા લોકોના પરીવારને જીજાઉ માતા એવોર્ડ આપીને સન્માનિત કરવામાં આવ્યા હતાં. - Divya Bhaskar
શહેરની એક ખાનગી સંસ્થા દ્વારા સયાજી હોસ્પિટલના ઓડિટરિયમ ખાતે દેશ માટે શહીદ થયેલા લોકોના પરીવારને જીજાઉ માતા એવોર્ડ આપીને સન્માનિત કરવામાં આવ્યા હતાં.
  • આ વંદે માતરમના નારાએ અંગ્રેજ શાસકોની ઊંઘ હરામ કરી હતી

એસએસજી હોસ્પિટલના ઓડિટોરીયમમાં શનિવારે દેશને આઝાદી આપનારા સ્વાતંત્ર્ય વિરોના વંશજોને પુરસ્કૃત કરવાનો કાર્યક્રમ યોજાયો હતો. જેમાં ચંદ્રશેખર આઝાદ,મંગલ પાંન્ડે,ભગતસિંહ અને સુખદેવ જેવા સ્વાતંત્ર્ય વિરોના વંશજો પધાર્યાં હતાં.આ પ્રસંગે મહેસુલ મંત્રી રાજે્દ્ર ત્રિવેદીએ જણાવ્યું હતું કે,વંદે માતરમ અને ઈન્કલાબ જીંદાબાદના નારા દેશની આઝાદી મેળવવા માટેના પ્રમુખ નારા હતાં. ત્યારે આજે કેટલાક લોકો વંદે માતરમ અને ઈન્કલાબ જીંદાબાદ બોલવામાં ખચકાટ અનુભવે છે.ખબર નથી તે લોકો દેશના છે કે દેશની બહારના છે.

વંદે માતરમના નારાએ જ અંગ્રેજોની ઉંઘ હરામ કરી હતી. મહેસુલ મંત્રી રાજેન્દ્રભાઈ ત્રિવેદીએ જીજાઉ પુરસ્કારમાં વધુમાં જણાવ્યું હતું કે, દેશની આઝાદી માટે અનેક લોકોએ પોતાના પ્રાણ ન્યોચ્છાવર કરી દિધા હતાં. આપણે તેમના તોલે ન આવીએ.પરંતું આઝાદી પછી હવે આપણે કાંઈ કરવું હોય તો દેશ માટે કાંઈક કરીને દેખાડવું જોઈએ.

દેશને સ્વતંત્રતા અપાવનારા લડવૈયાઓના વંશજો વડોદરાની ધરતી પર આવતા વડોદરાની ધરતી વધુ પવિત્ર થઈ ગઈ છે. સ્વાતંત્ર વિરોનું રૂણ અમે ક્યારેય ઉતારી શકવાના નથી.જે દેશ પોતાના વિરોને ભુલી જાય છે તે દેશ લાંબા સમય સુધી ઉભો નથી રહી શકતો.દેશ પોતાના વિરો-સપુતોને યાદ કરે છે.આ પ્રકારના કાર્યક્રમ દરેક ગામ,જિલ્લામાં થવા જોઈએ.સ્વાતંત્ર વિરોના વંશજોને પુરસ્કૃત કરવાનો કાર્યક્રમ વડોદરામાં કદાચ પહેલી વખત થયો છે.

10 સ્વાતંત્ર્ય સંગ્રામીઓના વંશજોને પુરસ્કૃત કરાયા

  • મંગલ દિવાકર પાંડે - રઘુનાથ પાંડે
  • કેશવ ગંગાધર તિલક - શૈલેષ શ્રીકાંત તિલક
  • ચંદ્રશેખર સીતારામ તિવારી - હેમંતરાવ મલકાપુર
  • ભગતસિંહ કિશનસિંહ સંધુ - કિરણજીતસિંહ
  • સુખદેવ રામલાલ થાપર - અનુજ થાપર
  • શિવરામ હરીનારાયણ રાજગુરૂ - સત્યશીલ રાજગુરૂ
  • સરદાર ઉધમસિંઘ તેહલસિંઘ - કરનૈલ સિંઘ
  • સુભાષચંદ્ર જાનકીનાથ બોઝ - રાજશ્રી બરૂનકુમાર ચૌધરી
  • વલ્લભભાઈ ઝવેરભાઈ પટેલ - અતુલ ધીરજલાલ પટેલ
  • વિનાયક દામોદર સાવરકર - નિતીન માધવ રાજે
અન્ય સમાચારો પણ છે...