કાર્યવાહી:તોડબાજ કોન્સ્ટેબલનું ત્રણ સાગરીત મુદ્દે મૌન

મુંબઈના યુવકની પાસેથી ખંડણી ઉઘરાવવાના કેસમાં માંજલપુરના આરોપી પોલીસકોન્સ્ટેબલ રમેશ ગલસરના 1 દિવસના રિમાન્ડ પુરા થતાં તેને અદાલતમાં રજુ કરી જેલમાં મોકલી દેવાયો હતો. જો કે તેના 3 સાગરીતો વિશે પોલીસ કોઇ માહિતી મેળવી શકી ન હતી.

મુંબઇના યુવક પાસેથી કોન્સ્ટેબલે ખંડણી માંગી હોવાનો ગુનો નોંધાયા બાદ પોલીસે કોન્સ્ટેબલ રમેશ ગલસરની ધરપકડ કરી 1 દિવસના રિમાન્ડ મેળવ્યા હતા. જો કે પુછપરછ પથી પણ પોલીસ તેની ટોળકીના 3 સાગરીતો અંગે કોઇ જાણકારી મેળવી શકી ન હતી. પોલીસને હજુ સુધી પોલીસકર્મીની સ્કોર્પીયો અને ટોળકીના 3 સાગરીતોનો કોઈ પત્તો લાગ્યો ન હતો. ઉપરાંત આરોપી પોલીસકર્મી અને તેના સાથીદારોએ ફરીયાદીની એપલ વોચ, ગુગલ ફોન તેમજ રોકડ રકમ પણ લઈ લીધી હતી.