તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

ગરબા આયોજન:શેરી ગરબાને મળશે નવજીવન, શહેરની પોળો નિયમ સાથે ગરબા કરવા માટે તૈયાર

વડોદરા3 દિવસ પહેલા
  • કૉપી લિંક
  • પોળો આ વર્ષે પણ નવરાત્રીમાં ગરબાની પરંપરા જાળવવા સજ્જ

શહેરની પોળો આ વર્ષે પણ નવરાત્રીમાં ગરબાના આયોજન માટે સજ્જ છે કે નહીં તે જાણવા સિટી ભાસ્કરે શહેરની જાણીતી 10થી વધુ પોળો સાથે વાત કરી હતી. વડોદરામાં છેલ્લા 500 વર્ષથી શેરી ગરબાનો ઇતિહાસ છે. કોમર્શિયલ ગરબા શરૂ થયા તે પહેલા શેરી ગરબાનું આયોજન થતુ હતું. આ વર્ષે કોરોના વચ્ચે કેવી છે પોળોની તૈયારી તે અંગે સિટી ભાસ્કરે તેમની પાસેથી જાણ્યું હતું.

માતાજીની છબી ફરતે પાંચ લોકો વારાફરતી ગરબા કરશે
હનુમાન પોળમાં રિલવાળાના ખાંચાના શેરી ગરબા યોજાય છે. આ વર્ષે માતાજીની છબી વચ્ચે મૂકી પાંચ ગરબા ગાઇ, બે બહેનો વચ્ચે જરૂરી અંતર રાખીને વારાફરતી 5 બહેનો ગરબા ફરશે તેવું આયોજન કરવાનું વિચાર્યું છે. - સંગીતા શાહ

ગરબા થશે કે નહી તે અંગે ચર્ચા કર્યા બાદ નિર્ણય લેવાશે
નરસિંહજીની પોળમાં સિધ્ધેશ્વરી માતાજીના મંદિર પાસે ગરબા યોજાય છે. જેમા પરંપરાગત રીતે ગરબા રમાડવામાં આવે છે. આ વર્ષે પોળમાં ગરબા થશે કે નહિ તે અંગે ચર્ચા કર્યા બાદ નિર્ણય લેવામાં આવશે. - વિજય શાહ

સરકારની પરવાનગી મળશે તો ગરબા ચોક્કસપણે યોજાશે
કડવા શેરીમાં અમે છેલ્લા 35 વર્ષથી ગરબા યોજીએ છે. જેમા પોળના લોકો જ ગરબા કરે છે. આ વર્ષે પરવાનગી મળશે તો જરૂરથી આયોજન કરીશું. મોટા ગરબા નહી થાય તેથી રમનારાઓની સંખ્યામાં પણ વધારો થશે. - દીપક પટેલ

આ વર્ષે 80 ટકા ગરબા કરવાનો વિચાર નથી
અમે છેલ્લા 20 વર્ષથી ગરબાનું આયોજન કરીએ છે. આ વર્ષે હજુ મીટિંગ કરી નથી પરંતુ મોટાભાગના લોકોની સહમતી ગરબા ન કરવામાં જ છે. તેથી સરકાર પરવાનગી આપશે તો પણ 80 ટકા ગરબા કરવાનો વિચાર નથી. - કિરણ પટેલ

નિયમોને ધ્યાનમાં રાખીને ગરબા યોજાશે
અમે છેલ્લા 8 વર્ષથી ગરબાનું આયોજન કરીએ છે. આ વર્ષે સરકારની પરવાનગી મળશે તો ગરબા કરીશું. પોળના આશરે 100 જેટલા લોકો ગરબા કરવા આવે છે. સરકારની ગાઇડલાઇન્સને ધ્યાનમાં રાખીને ગરબાનું આયોજન થશે. - પિન્ટુ માલુસરે

આ વર્ષે 52 વર્ષમાં પહેલી વાર ગરબાનું આયોજન નહીં થાય
અમારા ખાંચામાં આશરે 52 વર્ષથી ગરબાની પરંપરા છે. આ વર્ષે પહેલી વાર ગરબા કરવાનો વિચાર નથી કારણકે, ફ્કત 12 વાગ્યા સુધી પરવાનગી મળે છે અને માર્કેટના કારણે10 વાગ્યા પછી જ અમે ગરબા શરૂ કરી શકીએ છે. - હિરેન મોરે

મર્યાદિત સમય માટે નિયમો સાથે ગરબાનું આયોજન થશે
નવાબજાર ખાતે બાળકો અને મહિલાઓ માટે ગરબાનું આયોજન કરાય છે. આ વર્ષે તંત્ર પરવાનગી આપશે તો સોશિયલ ડીસ્ટન્સિંગના નિયમ સાથે ગરબાનું આયોજન કરીશું, પરંતુ સમય મર્યાદિત રાખવામાં આવશે. - સંદિપ જાબરે

તંત્ર પરવાનગી આપશે તો 20 વર્ષથી ચાલતી પરંપરા જાળવીશુું
અમે છેલ્લા 20 વર્ષથી ગરબાનું આયોજન કરીએ છે. આ વર્ષે ગરબા કરવાની ઇચ્છા છે પરંતુ તંત્રના નિર્દેશોની રાહ છે. સરકાર શેરી ગરબા પર પ્રતિબંધ લગાડશે તો અમે ગરબાનું આયોજન નહી કરીએ. - કેયુર પટેલ

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે ઉન્નતિને લગતાં શુભ સમાચારની પ્રાપ્તિ થશે. ધાર્મિક અને આધ્યાત્મિક કાર્યોમાં પણ થોડો સમય પસાર થશે. કોઇ વિશેષ સમાજ સુધારકનું સાનિધ્ય તમારી અંદર પોઝિટિવ ઊર્જા ઉત્પન્ન કરશે. નેગેટિવઃ- ઘરના...

વધુ વાંચો