છેતરપિંડી:IIFLના 1.29 કરોડના કૌભાંડમાં ફરાર 3 બેંક કર્મચારીની શોધખોળ

વડોદરા15 દિવસ પહેલા
  • કૉપી લિંક
1.29 કરોડની છેતરપિંડી કરનાર મહિલા બ્રાન્ચ મેનેજર સહિત 4ની અટક. - Divya Bhaskar
1.29 કરોડની છેતરપિંડી કરનાર મહિલા બ્રાન્ચ મેનેજર સહિત 4ની અટક.
  • ગ્રાહકોના દાગીના પર બારોબાર વ્યાજે નાણાં મેળવી છેતરપિંડી કરી હતી
  • મહિલા બ્રાંચ મેનેજર સહિત 4 આરોપીના 8 દિવસના રિમાન્ડ મંજૂર

હરણી-વારસિયા રિંગ રોડ પર આવેલી આઇઆઇએફએલ કંપની સાથે બેંકનાં મહિલા સહિત 2 બ્રાન્ચ મેનેજર અને કર્મચારીઓએ 1.29 કરોડની છેતરપિંડી કરતાં વારસિયા પોલીસે ગુનો નોંધી મહિલા બ્રાન્ચ મેનેજર સહિત 4ને ઝડપી લીધા હતા. પોલીસે તમામને અદાલતમાં રજૂ કરી 8 દિવસના રિમાન્ડ મેળવ્યા હતા.

મેનેજર અને કર્મચારીઓએ બ્રાન્ચમાં ગિરવી મૂકેલ ગોલ્ડનાં નાણાં ભરપાઇ કર્યાં પછી પણ આ પૈસા કંપનીમાં જમા કરાવ્યા નહતા સોનાના દાગીના કાઢી પેકેટો બનાવી લોન મેળવી હતી. પોલીસે આરોપીઓની મોડસ ઓપરેન્ડીની તપાસ શરૂ કરી હતી.

વારસિયા પોલીસમાં કંપનીના રિજનલ મેનેજર નિખીલ સિંઘે (ન્યૂ સમા રોડ) વારસિયા-હરણી રિંગ રોડ પર જલારામ હોસ્પિટલ પાસે આવેલી આઇઆઇએફએલ કંપનીના બ્રાન્ચ મેનેજર કિરણબેન ગોપીચંદ પુરુષવાણી (સંતકંવર કોલોની, વારસિયા), આસિસ્ટન્ટ મેનેજરો વિકીતા રવિ ચૌહાણ (સોહમ રેસિડેન્સી, ખોડિયારનગર), પ્રિયલ મનસુખ ગોહિલ (વિજયનગર, હરણી રોડ), કર્મચારી દિલીપ સતિષ જાડેજા (સાંનિધ્ય ટાઉનશિપ, ન્યૂ વીઆઇપી રોડ), ડભોઇ બ્રાન્ચ મેનેજર વિશાલ પરેશ ઓડ (ગોસાંઇ મહોલ્લો, વારસિયા), વાઘોડિયા રોડના અંબિકા જ્વેલર્સના વિકાસ પંકજ ઝીંઝુવાડિયા (જલારામ પાર્ક, સંગમ ચાર રસ્તા), સોની રમેશ હોતચંદ શીતલાણી (અરવિંદ પાર્ક, વારસિયા રિંગ રોડ) સામે ફરિયાદ નોંધાવી છે.

ફરિયાદ મુજબ કંપનીમાં સોનાના દાગીના ગિરવી મૂકીને લોન લીધા બાદ જે ગ્રાહકોએ નાણાં ભરપાઇ કર્યાં હતાં તે કિરણ પુરુષવાણીએ વારસિયા બ્રાન્ચમાં જમા કરાવ્યાં નહતાં. ઉપરાંત બ્રાન્ચ મેનેજર તથા કર્મચારીઓએ ભેગા મળીને ગિરવી મૂકેલા સોનાના દાગીનાનાં સીલબંધ પેકેટો તોડી તેના જુદાં જુદાં પેકેટો બનાવી બીજા ગ્રાહકો ઊભા કરીને લોન મેળવી હતી. તમામે એક ગ્રાહકના પેકેટમાં અડધું નકલી સોનું ઉમેરીને તેના પર પણ લોન મેળવી હતી. ગ્રાહકોના 23 પેકેટ વગે કરીને કિરણે સોનાના દાગીના વિકાસ ઝીંઝુવાડિયા તથા રમેશ શીતલાણીને આપી વ્યાજે નાણાં લીધાં હતાં.

ઓડિટ વખતે રમેશે 6 સીલબંધ પેકેટ લઇને કિરણને આપતાં તેણે ઓડિટર પ્રિયાંક પટેલને આપતાં તેમણે જમા લીધા હતા. કિરણે ડભોઇ બ્રાન્ચ મેનેજર વિશાલને પૈસાની જરૂર છે તેમ કહી વારસિયા બ્રાન્ચના ગ્રાહકોનાં ઘરેણાં ડભોઇ બ્રાન્ચમાં મોકલતાં ડભોઇના વિશાલે 4 જણાને કસ્ટમર બનાવી અને કિરણે તેના ઓળખીતાઓનાં ફોર્મ ભરાવી ડભોઇ બ્રાન્ચમાંથી 26.88 લાખની લોન લીધી હતી. ઓડિટ દરમિયાન મેકિંગ ચાર્જ સાથે માર્કેટ વેલ્યુ મુજબ 1.29 કરોડની છેતરપિંડી કરી હતી. પોલીસે કિરણ પુરુષવાણી, વિશાલ ઓડ, વિકાસ ઝીંઝુવાડિયા, રમેશ શીતલાણીની અટકાયત કરી હતી.

અન્ય સમાચારો પણ છે...