કાર્યવાહી:રેલવેએ 1 વર્ષમાં ~96 લાખની ઇ-ટિકિટ કબજે કરી

વેસ્ટર્ન રેલવે દ્વારા મુસાફરોની સુરક્ષા માટે વિવિધ આયામો પર કામ હાથ ધરવામાં આવ્યું હતું કોરોના મહામારી ચાલી રહી હોવા છતાં રેલવે દ્વારા સાયબર સેલ ની રચના કરી ટિકિટોનું ગેરકાયદે વેચાણ કરતાં દલાલો સામે લાલ આંખ કરવામાં આવી હતી વેસ્ટન રેલ્વે દ્વારા વર્ષ 2020 દરમિયાન 107 દલાલ સામે કાર્યવાહી કરી રૂા. 96 લાખની 3742 ઈ-ટિકિટ કબજે કરી હતી જ્યારે 4098 ફેરિયાઓ સામે કાર્યવાહી કરી રૂપિયા17.38 લાખ દંડ વસૂલવામાં આવ્યો હતો. આ સાથે સમગ્ર વેસ્ટર્ન રેલવેમાં લગાવેલા સીસીટીવી ને પગલે 21 જેટલા છેડતી અને લૂંટફાટના બનાવોને ઉકેલ કાર્યવાહી થઈ શકી હતી તેમ રેલવેના સી. પી. આર. ઓ. સુમિત્રા ઠાકોરે જણાવ્યું હતું.