વડોદરાના યુવાનનો ‘સેક્સ’ અંગે સરવે:માત્ર 27% યુવક માને છે કે, લગ્ન પહેલાં સેક્સ અયોગ્ય, બાકીનાના મતે કોઈ છોછ નહીં

વડોદરા13 દિવસ પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • સોશિયલ વર્ક ફેકલ્ટીનાં વિદ્યાર્થીનું 18થી 30 વર્ષનાં યુવક-યુવતી પર રિસર્ચ

લગ્ન પૂર્વે જાતીય સંબંધની વાત આવે ત્યારે તેનાથી પ્રભાવિત સૌથી સંવેદનશીલ જૂથ યુવાનો અને કિશોરોનું છે. કયાં પરિબળ લગ્ન પૂર્વે સંબંધો બાંધવા પ્રભાવિત કરે છે તે જાણવા સોશિયલ વર્ક ફેકલ્ટીના વિદ્યાર્થીએ રિસર્ચ કર્યું હતું. જેમાં માત્ર 27 ટકા યુવાએ લગ્ન પૂર્વે જાતીય સંબંધ અયોગ્ય ગણાવ્યા હતા, જ્યારે બાકીનાએ તેનો કોઈ છોછ ન હોવાનું જણાવ્યું હતું. પોર્ન ફિલ્મો-સાહિત્ય જાતીય સંબંધ માટે ઉશ્કેરતા હોવાની સાથે યુવાનોએ કબૂલ્યું હતું કે, વર્તમાનમાં લગ્ન પૂર્વે સંબંધ બાંધવાનું સામાન્ય બની ગયું છે.

મ.સ.યુનિ.ની સોશિયલ વર્ક ફેકલ્ટીના વિદ્યાર્થી રાહુલ મોરાસિયાએ અધ્યાપિકા હિરલ પરમારના માર્ગદર્શનમાં લગ્ન પહેલાં જાતીય સંબંધ પ્રત્યે યુવાનોની ધારણા અંગે સંશોધન હાથ ધર્યું હતું. વિદ્યાર્થીએ ફેકલ્ટીના 18થી 30 વર્ષનાં યુવક-યુવતીને સવાલો પૂછ્યા હતા. વિદ્યાર્થીએ જણાવ્યું કે, મોટાભાગના યુવાનોએ લગ્ન પૂર્વે સંબંધ બાંધવા ભાવી જીવનસાથી સાથે પ્રેમ હોવો જરૂરી ગણાવ્યો હતો.

લગ્ન પહેલાં જાતીય સંબંધ વિશે યુવાઓ શું માને છે?

  • 27% યુવાનોએ સ્વીકાર કર્યો હતો કે, લગ્ન પહેલાં જાતીય સંબંધ બાંધવા ખોટા છે.
  • 22% યુવાનોએ કહ્યું હતું કે, લગ્ન પહેલાં જાતીય સંબંધ માત્ર શારીરિક જરૂરિયાતને સંતોષવા અને આનંદ માટે બાંધે છે.
  • 30% યુવાનોએ લગ્ન પહેલાં જાતીય સંબંધ બાંધવાથી તેઓ લગ્ન માટે બંધાયા છે તે વાતનો અસ્વીકાર કર્યો હતો.
  • 45% એ એવો પણ સ્વીકાર કર્યો હતો કે, ફિલ્મોએ પણ લગ્ન પહેલાંના જાતીય સંબંધ બાંધવા માટે પ્રેર્યાં છે.
  • 27% યુવાનોએ સ્વીકાર્યું હતું કે, નિરોધ અને ગર્ભનિરોધક જેવાં સાધનોની સરળ ઉપલબ્ધતા લગ્ન પહેલાં જાતીય સંબંધને પ્રોત્સાહન આપે છે.
  • 39% યુવાનોએ અત્યારના સમયે લગ્ન પહેલાં જાતીય સંબંધો બાંધવા સામાન્ય બની ગયું હોવાનું જણાવ્યું હતું.
અન્ય સમાચારો પણ છે...