ધરપકડ:ઓનલાઇન સટ્ટો રમનાર ઝડપાયો

આઇપીએલના ઓનલાઇન સટ્ટાના ગુનામાં વોન્ટેડ આરોપી જયેશ ઠક્કર (રહે. નિઝામપુરા)ની નિઝામપુરા ખાતે પાનના ગલ્લા પરથી પીસીબીએ ધરપકડ કરી છે. આરોપીની પૂછપરછ કરતાં તે હાલ ઓસ્ટ્રેલિયામાં રમાતી બિગબેસ સિરીઝમાં ઓનલાઇન સટ્ટો રમતો હોવાની કબૂલાત કરી હતી. જ્યારે આરોપી પાસેથી ઓનલાઈન સટ્ટાના કેટલાક હિસાબો મળી આવ્યા હતા. આરોપી પાસેથી રોકડા રૂ.700 અને મોબાઇલ મળી રૂ.10,700 નો મુદ્દામાલ કબજે કરાયો હતો. આરોપી સામે ફતેગંજ પોલીસ સ્ટેશનમાં ગુનો નોંધાયો હતો.