વન-ડે અને ટી-20 સ્પર્ધા રમાડવાની તૈયારી:ટી-20 તેમજ વન-ડે મેચ રમાડવા ‌‌‌બીસીએ તૈયાર

આગામી દિવસોમાં ભારતીય ક્રિકેટ કંટ્રોલ બોર્ડ ઘરેલું ક્રિકેટ સ્પર્ધા રણજી ટ્રોફી, વન-ડે અને ટી-20 રમાડવા માંગે છે ત્યારે આ બાબતે બોર્ડે માંગેલા અભિપ્રાયમાં બીસીએ દ્વારા વડોદરામાં વન-ડે અને ટી-20 સ્પર્ધા રમાડવા માટેની તૈયારી બતાવી છે. સંબંધમાં બીસીએના સતાધીશો દ્વારા ગહન અધ્યન બાદ સ્પર્ધા રમાડવા માટે તૈયારી બતાવી છે.

બીસીએના સેક્રેટરી અજીત લેલેએ જણાવ્યું હતું કે ‘ રણજી ટ્રોફી રમાડવી હાલના માહોલમાં યોગ્ય નથી એટલે મુશ્તાક અલી ટ્રોફી માટેની ટી-20 અને વિજય હજારે ટ્રોફી માટેની વન-ડે સ્પર્ધા રમાડવા માટે બીસીએ દ્વારા તૈયારી દર્શાવાઈ છે.જેમાં આઇપીએલમાં કોરોના અંગે જે પ્રોટોકોલ રાખવામાં આવ્યા હતા તેવા જ પ્રોટોકોલ વડોદરાની સ્પર્ધામાં રખાશે તેવી ખાતરી આપવામાં આવી છે.