ભાસ્કર એક્સક્લુઝિવ:નો રિપીટ થીયરી કાર્યાલય : ઓપી રોડના સૂર્યકિરણ બિલ્ડિંગમાં ચૂંટણી પ્રચાર માટે કાર્યાલય ખોલનાર ઉમેદવારો રિપીટ ના થયા

ઓ.પી.રોડના સૂર્યકિરણ બિલ્ડિંગમાં કાર્યાલય ખોલનાર પૂર્વ મંત્રી સૌરભ પટેલ તથા સીમા મોહીલે બંને અકોટા બેઠક પર રીપીટ થયા નથી. વોર્ડ-11ના કાઉન્સીલર રહેનારને પદ મળ્યું છે જેમાં વિજય શાહને પ્રમુખ પદ, સીમા મોહીલે ધારાસભ્ય તો ચૈતન્ય દેસાઇને ટીકીટ મળી છે. ત્યારે અકોટા બેઠક અને તેનું કાર્યાલય રસપ્રદ રહ્યાં છે. શહેરમાં 2012 પહેલા રાવપુરા, શહેર-વાડી અને સયાજીગંજ એમ 3 વિધાનસભા બેઠકો જ હતી. જોકે નવા સીમાંકન પછી 2021થી શહેરમાં વધુ 2 બેઠક અકોટા અને માંજલપુર અસ્તિત્વમાં આવી.

સીમા મોહીલેને ટીકીટ અપાઇ
2012માં સૌ-પ્રથમ અકોટા વિધાનસભા બેઠક પર મંત્રી સૌરભ પટેલ સ્કાયલેબ તરીકે ઉતર્યા હતા. 2012માં અકોટાથી જીતેલા સૌરભ પટેલનું કાર્યાલય ઓ.પી.રોડ પરનું સૂર્યકિરણ બિલ્ડિંગમાં હતું. 5 વર્ષમાં વિવાદોને પગલે 2017ની ચૂંટણીમાં તેમને રીપીટ કરાયા ના હતા. તેમની જગ્યાએ સીમા મોહીલેને ટીકીટ અપાઇ હતી.

અકોટા વિધાનસભામાં સતત ત્રીજી વખત ટીકીટ બદલાઇ
જેમનું કાર્યાલય સૂર્યકિરણ બિલ્ડિંગ હતું તેમને 2022ની ચૂંટણીમાં રીપીટ કરાયા નથી. જેનું કાર્યાલય સૂર્યકિરણ બિલ્ડિંગ હોય તેને રીપીટ કરાયા નથી. તે અપશુકનિયાળ છે તેવી ચર્ચા છે. આ વખતે અકોટા વિધાનસભામાં સતત ત્રીજી વખત ટીકીટ બદલાઇ છે.

જો કે, અકોટાના વોર્ડ-11ના કાઉન્સિલર બનનાર ઉપર આવ્યા

અકોટા વિધાનસભામાં ઉમેદવારો રીપીટ થતા નથી
અકોટા વિધાનસભા 2012માં અસ્તિત્વમાં આવી હતી. જેમાં એક પણ વાર ઉમેદવાર રીપીટ કરવામાં આવ્યા નથી. 2012માં મંત્રી સૈરભ પટેલ, 2017માં સીમાબેન મોહીલે તથા 2022માં ચૈતન્ય દેસાઇને ટીકીટ મળી છે.