ઉગ્ર રજૂઆત:નવાયાર્ડ- છાણી રોડ પર ગંદા પાણી મુદ્દે આંદોલનની ચીમકી

વડોદરાએક વર્ષ પહેલા
  • કૉપી લિંક
  • પીવાનું પાણી ગટર મિશ્રિત આવી રહ્યું છે, ઉત્તર ઝોનની સંકલન સમિતિની બેઠકમાં ઉગ્ર રજૂઆત

નવાયાર્ડ અને જૂના છાણી રોડ પર ગટર મિશ્રિત પાણી આવતો હોવાનો આક્રોશ ઉત્તર ઝોન અને સંકલન સમિતિની બેઠકમાં પડ્યો હતો.જેમાં પાણી મામલે કાર્યવાહી નહીં કરાય તો આંદોલનની ચીમકી અપાઇ હતી. શહેરમાં ભરચોમાસે લોકોને પીવાનું ચોખ્ખું પાણી મળી રહ્યું નથી અને તેના પડઘા સમગ્ર વિસ્તારોમાં પડી રહ્યા છે. રહીશોના બળાપા બાદ પણ પાલિકા દ્વારા કોઇ કાર્યવાહી કરવામાં આવીત ન હોવાનો સૂર વ્યકત થઇ રહ્યો છે.

આ સંજોગોમાં નવાયાર્ડ વિસ્તારમાં પીવાનું પાણી ગટર મિશ્રિત આવતું હોવાનું ખુલવા પામ્યું છે અને જૂના છાણી રોડ પર ની સોસાયટીઓમાં તો બિલકુલ કાળુ પાણી આવતાં સ્થાનિક રહીશોએ સ્થાનિક કોંગી કાઉન્સિલર જહાં ભરવાડને રજૂઆત કરી હતી. આ મામલે ઉત્તર ઝોનની મળેલી સંકલન સમિતિની બેઠકમાં ઉત્તર ઝોનના ડેપ્યુટી કમિશનર શૈલેષ નાયક અને કાર્યપાલક ઇજનેર ધાર્મિક દવે પાસે જહાં ભરવાડે ઉગ્ર રજૂઆત કરી તેનો નિકાલ લાવવાની માંગણી કરી હતી. જો આ મામલે વહેલી તકે કાર્યવાહી નહીં કરાય તો આંદોલનની પણ ચીમકી ઉચ્ચારવામાં આવી હતી.

અન્ય સમાચારો પણ છે...