કોરોનાવાઈરસ:માસ્ક ન પહેરનારા પાસેથી વધુ રૂા. 84,500નો દંડ વસૂલાયો, 15 લાખના દંડની વસૂલાત

કોરોના વાઇરસનો ચેપ શહેરમાં વધારે ન પ્રસરે તે માટે લોકડાઉન જાહેર કરવામાં આવ્યું છે. લોકડાઉન અમલમાં મોં-નાક ઢંકાય તે રીતે માસ્ક પહેરવું ફરજિયાત છે તો જાહેર સ્થળોએ સોશિયલ ડિસ્ટન્સિંગ રાખવું પણ જરૂરી છે ત્યારે તેનો અમલ ન કરનારા નાગરિકો પાસેથી વધુ રૂા.84,500નો દંડ પાલિકાએ વસૂલ કર્યો હતો. અત્રે ઉલ્લેખનીય છે કે, શહેરમાં કોરોના સંક્રમણને ધ્યાનમાં રાખી જાહેરમાં માસ્ક પહેરવું ફરજિયાત કરવામાં આવ્યું છે અને તેના માટે પાલિકા તરફથી જાહેરનામું પણ પ્રસિદ્ધ કરવામાં આવ્યું હતું. તેવી જ રીતે તાજેતરમાં જે દુકાન પર ગ્રાહકો સોશિયલ ડિસ્ટન્સિંગ ન જાળવે તેને કોઇ પણ ચીજ-વસ્તુ નહીં આપવાની સાથોસાથ તેની ફરિયાદ પાલિકામાં ટોલ ફ્રી નંબર પર કરવાની સૂચના જારી કરવામાં આવી હતી. આ ઝુંબેશમાં મંગળવારે પણ પાલિકાને  કોલ મળ્ચા હતા તો આજ દિન સુધીમાં માસ્ક વગર નીકળેલા લોકો પાસેથી 15 લાખનો દંડ વસૂલીને પાલિકાની તિજોરીમાં ભરવામાં આવ્યા છે.