• Gujarati News
  • Local
  • Gujarat
  • Vadodara
  • Mohit Bondre And Vidhi Jani Winners, More Than 600 Competitors Took Part In The Tennis Premier League's Talent Day At The Akota Stadium In Vadodara.

ટેનિસ પ્રીમિયર લીગ:વડોદરાના અકોટા સ્ટેડિયમમાં યોજાયેલી ટેનિસ પ્રીમિયર લીગના ટેલેન્ટ ડેમાં મોહિત બોન્દ્રે અને વિધિ જાની વિજેતા, 600થી વધુ સ્પર્ધકોએ ભાગ લીધો

વડોદરા23 દિવસ પહેલા
  • કૉપી લિંક
વડોદરા શહેરના અકોટા સ્ટેડિયમ ખાતે આયોજિત ટેનિસ પ્રીમિયર લીગના ટેલેન્ડ ડેનું આયોજન કરવામાં આવ્યું હતું - Divya Bhaskar
વડોદરા શહેરના અકોટા સ્ટેડિયમ ખાતે આયોજિત ટેનિસ પ્રીમિયર લીગના ટેલેન્ડ ડેનું આયોજન કરવામાં આવ્યું હતું
  • વડોદરામાં આયોજિત ટેલેન્ટ ડે માટે વિશાળ બહુમતથી અભિભૂત થયાઃ ઇવેન્ટના ફાઉન્ડર

વડોદરા શહેરના અકોટા સ્ટેડિયમ ખાતે આયોજિત ટેનિસ પ્રીમિયર લીગના ટેલેન્ટ ડે મોહિત બોન્દ્રે અને વિધિ જાનીએ પુરૂષ અને મહિલા સ્પર્ધા જીતી હતી. જેમાં 600થી વધુ સ્પર્ધકોએ ભાગ લીધો હતો અને ટેનિસ પ્રીમિયર લીગની ત્રીજી આવૃત્તિમાં ટીમ ગુજરાત પેન્થર્સમાં દિવિજ શરણ, વિજય સુંદર પ્રશાન અને વાલેરિયા સ્ટ્રાખોવાની સાથે સામેલ થશે, જે 9થી 14 ડિસેમ્બર સુધી સેલિબ્રેશન ક્લબ, અંધેરી ખાતે યોજાશે.

પુરૂષ અને મહિલા ખેલાડીઓ 8 ટીમોની લીગનો ભાગ હશે
ઇવેન્ટના ઉપવિજેતા રુદ્ર ભટ્ટ અને સુદિપ્તા કુમાર પ્રજનેશ ગુનેશ્વરન, આર્યન ગોવેસ અને ડાયના માર્સિન્કાવિકા સાથે હાથ મિલાવી એસઆરકે રાજસ્થાન ટાઈગર્સની સાથે રમશે. તમામ અગ્રણી ભારતીય પુરૂષ અને મહિલા ખેલાડીઓ આઠ ટીમોની લીગનો ભાગ હશે, જેનું જીવંત ટેલિવિઝન પ્રસારણ સુનિશ્ચિત કરવામાં આવ્યું છે.

ટેનિસને જીત અપાવવાનો ઇરાદો છે
ઇવેન્ટના ફાઉન્ડર કુનાલ ઠાકુરે જણાવ્યું હતુ કે, અમે આ વર્ષે આંતરરાષ્ટ્રીય ખેલાડીઓને લઇને ઉત્સાહિત છીએ. ટેનિસને જીત અપાવવાનો ઇરાદો છે અને AITA અને MSLTAના તેમના બિનશરતી સમર્થન માટે ખૂબ જ આભારી છીએ. સિયોના ઝંવરે જણાવ્યું હતું કે, અમે વડોદરામાં આયોજિત ટેલેન્ટ ડે માટે વિશાળ બહુમતથી અભિભૂત થયા છે અને એસઆરકે રાજસ્થાન ટાઇગર્સના ઑનર હોવાનો વાસ્તવમાં ગર્વ અનુભવી રહ્યાં છીએ.

અમારા તમામ ઓનર્સ અને સ્પોન્સર્સના આભારી છીએ
ઇવેન્ટના કો-ફાઉન્ડેર મૃણાલ જૈન જણાવ્યું હતું કે, અમે અમારા તમામ ઓનર્સ અને સ્પોન્સર્સના આભારી છીએ. અમે લીગને ભારતમાં પોતાની પ્રકારની અનોખી બનાવવાનો ઇરાદો ધરાવીએ છીએ. તમામ મેચોનું જીવંત પ્રસારણ ભારતીય ટેનિસ ખેલાડીઓ અને ચાહકો માટે ખૂબ જ રોમાંચક હશે.

પરિણામોઃ
પુરૂષ

વિજેતા મોહિત બોન્દ્રે (ગુજરાત પેન્થર્સ); ઉપ વિજેતા રુદ્ર ભટ્ટ (એસઆરકે રાજસ્થાન ટાઇગર્સ)

મહિલા
વિજેતા વિધિ જાની (ગુજરાત પેન્થર્સ); ઉપ વિજેતા સુદિપ્તા કુમાર (એસઆરકે રાજસ્થાન ટાઇગર્સ)

બોય્ઝ અંડર-14
વિજેતાઃ આકાંશ સુબ્રનિયન (એસઆરકે રાજસ્થાન ટાઇગર્સ); ઉપ વિજેતા વ્રજ ગોહિલ (ગુજરાત પેન્થર્સ)

35+ કેટેગરી
વિજેતાઃ અભિજિત શાહ (ગુજરાત પેન્થર્સ); ઉપ વિજેતા પ્રતિક મોદી (એસઆરકે રાજસ્થાન ટાઇગર્સ)

ટીમોઃ
મુંબઈ લિયોન આર્મીઃ રામકુમાર રામનાથન, નિકિ પૂનાચા, સોફિયા શાપતાવ

દિલ્હી બિન્નીસ બ્રિગેડઃ યુકી ભામ્બ્રી, મનિષ સુરેશકુમાર, પીંગટાર્ન પ્લિપુચ

ચેન્નઇ સ્ટાલિયન્સઃ પુરવ રાજા, સિદ્ધાર્થ રાવત, સામંથા મૂરે શરન

બેંગાલુરૂ સ્પાર્ટન્સઃ જીવન નેદુનચેઝિયાન, શ્રીરામ બાલાજી, સબિના શારિપોવા

હૈદરાબાદ સ્ટ્રાઇકર્સઃ અર્જુન કાઢે, વિષ્ણુ વર્ધન, અંકિતા રૈના

રાજસ્થાન ટાઇગર્સઃ પ્રજનેશ ગુનેશ્વરન, આર્યન ગોવેસ, ડાયના માર્સિન્કાવિકા

ગુજરાત પેન્થર્સઃ દિવિજ શરન, વિજય સુંદર પ્રશાંત, વાલેરિયા સ્ટ્રાખોવા

પુને જગુઆર્સઃ સાકેથ માયનેની, ઇશાક ઇકબાલ, રૂતુજા ભોસલે

અન્ય સમાચારો પણ છે...