તપાસ:10.49 લાખની ઠગાઇમાં કૈલાસ જાધવની શોધખોળ

રેસકોર્સના મોનાલીસા સેન્ટરમાં આવેલા એલાઇવ્ઝ જિમ એન્ડ ફિટનેસ સેન્ટરના કૈલાસ જાદવે જીમના ટ્રેનરોના 10.49 લાખનો પગાર ન આપી ઠગાઇ કરી હોવાની ફરિયાદ નોંધાયા બાદ ગોરવા પોલીસે કૈલાસ જાધવની શોધખોળ શરૂ કરી છે.

એલાઇવ્ઝ જિમ એન્ડ ફિટનેસ સેન્ટરના માલિક કૈલાસ સુભાશચન્દ્ર જાદવ સામે જિમના ટ્રેનર મહંમદ તસ્લીમ યુનુસ પટેલે સેલરીના નાણાં ન ચૂકવીને ઠગાઇ કરાઇ હોવાની ફરિયાદ નોંધાવી હતી. જેમાં તેમના સહિત અન્ય ટ્રેનરોના 10.49 લાખ નહીં ચૂકવી ઠગાઇ કરાઇ હોવાનું જણાવાયું હતું, ગોરવા પોલીસે કૈલાસ જાધવનાં આશ્રયસ્થાનો પર દરોડા પાડી તેની શોધખોળ કરી હતી, પણ તેની ભાળ મળી નથી. પોલીસે જણાવ્યું હતું કે આ બાબતે સાહેદોના વિસ્તૃત નિવેદન લેવાયા છે અને કૈલાસની શોધખોળ કરાઇ રહી છે.