સ્થાનિક સ્વરાજની ચૂંટણી:વૉર્ડ 18માં ભાજપેે મહિલા ઉમેદવાર બદલવા પડ્યાં

પાલિકાના વોર્ડ 18માં ઉમેદવારી નોંધાવવા ના છેલ્લા દિવસે ભાજપે ઓબીસી કેટેગરીની બેઠક પર મહિલા ઉમેદવાર બદલવા પડ્યા હતા. વૉર્ડ ન.18માં ઓબીસી કેટેગરી ની મહિલા બેઠક પરથી આરતી જયસ્વાલે ઉમેદવારી નોંધાવી હતી. આરતી જયસ્વાલે નોંધાવેલી ઉમેદવારીમાં ઓબીસીનો ગુજરાતને બદલે મહારાષ્ટ્રનો દાખલો માન્ય ન હોવાથી ભાજપે તેના વિકલ્પમાં ઉમેદવારી કરનાર ભારતીબેન રમેશભાઈ ભદ્રેશ્વરા (ટેલર)ને છેલ્લી ઘડીએ મેન્ડેટ આપવો પડયો હતો.

આ ઉમેદવારનું ડમી ફોર્મ આરતી જયસ્વાલે તેમના ઘરે જ રાતે ભરાવ્યું હતું. નવા ઉમેદવારના પતિ વૉર્ડ ન.18માં મહામંત્રી છે. આરતી જયસ્વાલે આ બાબતની સત્તાવાર પુષ્ટી પણ કરી હતી.