માંગ:તબીબોને ઠગતી ટોળકી સામે કડક પગલાં ભરવા આઇએમએની પોલીસ કમિશનર સમક્ષ રજૂઆત

શહેરમાં ફરતી ત્રિપુટી ઠગ ટોળકી તબીબોને હેરાન કરે છે અને તબીબો પાસે અયોગ્ય માંગણી કરે છે જેની સામે કડક હાથે પગલાં ભરવામાં આવે તેવી IMAના હોદ્દેદારોએ પોલીસ કમિશનરને રજુઆત કરી છે. IMAના ડો. પરેશ મજમુદારના જણાવ્યા અનુસાર કોરોના કાળમાં સૌથી વધારે જોખમ ખેડી દર્દીઓની સારવાર કરનાર તબીબોને ચોક્કસ ટોળકી દ્વારા પરેશાન કરવામાં આવી રહ્યા છે.

એક મહિલા અને બે પુરુષોની એક ટોળકી સક્રિય થઈ છે. જે દર્દીના ઓપરેશન ખોટા કર્યા હોય તેમજ ખોટા ખોટા આક્ષેપો કરી અયોગ્ય માંગણી કરતા હોય છે. સોમવારની ઘટનામાં પણ આ અંગે અમને જાણવા મળ્યું છે. બુધવારે IMAના હોદ્દેદારોની ટીમે પોલીસ કમિશનરને મળી આવી ઠગ ટોળકી સામે કડક હાથે પગલાં ભરવામાં આવે તેવી માંગ કરી હતી.